ظہر کی پہلے چار سنت مؤکدہ رہ جائے تو فرض کے  بعد پہلے کونسی سنتیں ادا کرنی چاہئیں؟

استفتاء

ظہر کی نماز کھڑی ہوگئی  میں ظہر کی  پہلی  سنتیں ادا کیے بغیر   فرض نماز میں شامل ہوگیا ۔اب فرضوں  کی ادائیگی کے بعد پہلے چاراور بعد والی دو سنتیں کس ترتیب سے ادا کرونگا ؟ آیا پہلے چار ادا  کرونگا یادو ادا کرونگا؟  آپ کی رہنمائی کی ضرورت ہے۔

الجواب :بسم اللہ حامداًومصلیاً

دونوں طرح پڑھ سکتےہیں البتہ بہتریہ ہےکہ پہلےبعدوالی سنتیں پڑھیں اورپھر پہلے والی پڑھیں۔

شامی(2/619)میں ہے:

"(بخلاف سنة الظهر)وكذاالجمعة(فإنه)إن خاف فوت ركعة(يتركها)ويقتدي(ثم يأتي بها)على أنهاسنة(في وقته)أي الظهر(قبل شفعه)عندمحمد،وبه يفتى جوهرة.(قوله:وبه يفتى)أقول:وعليه المتون،لكن رجح في الفتح تقديم الركعتين.قال في الإمداد:وفي فتاوى العتابي،أنه المختار،وفي مبسوط شيخ الإسلام أنه الأصح؛لحديث عائشة«أنه عليه الصلاةوالسلام كان إذافاتته الاربع قبل الظهر يصليهن بعد الركعتين».وهوقول أبي حنيفة،وكذافي جامع قاضي خان والحديث قال الترمذي:حسن غريب،فتح.

مسائل بہشتی زیور(1/198)میں ہے:

"مثلاً ظہر کے وقت جب فرض شروع ہو جائے اور خوف ہو کہ سنت پڑھنے سے کوئی رکعت جاتی رہے گی تو پھر مؤکدہ سنتیں جو فرض سے پہلے پڑھی جاتی ہیں چھوڑ دے۔ پھر ظہر اور جمعہ میں فرض کے بعد بہتر یہ ہے کہ بعد والی سنت مؤکدہ اول پڑھ کر ان سنتوں کو پڑھ لے”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم