مسبوق اگر امام کے ساتھ سجدہ سہو نہ کرے تو اس کے لیے کیا حکم ہے؟

استفتاء

اگر کسی بندے کی جماعت سے کچھ رکعتیں رہ جائیں اور مسبوق امام کے سلام کے ساتھ ہی یہ سمجھ کر کہ امام کی نماز ختم ہوگئی ہے کھڑا ہوجائے اور ادھر امام سجدہ سہو میں چلا جائے۔ تو اب اس مسبوق (جو کہ کھڑا ہو گیا ہے اور ابھی قیام میں ہی ہے) کے لیے کیا حکم ہے؟

سائل: احفظ الرحمن

الجواب :بسم اللہ حامداًومصلیاً

مذکورہ صورت میں جب مسبوق ابھی قیام میں ہی ہے تو اس کے ليے حکم یہ ہے کہ قیام چھوڑ کر امام کے ساتھ سجدہ سہو میں شامل ہوجائے اور اگر وہ واپس نہیں آتا تو اس کے لیے حکم یہ ہے کہ اپنی نماز کے آخر میں سجدہ سہو کرے۔

فتاویٰ قاضی خان (1/277 رشیدیہ) میں ہے:

المسبوق إذا لم يتابع الامام في سجود السهو وسها فيما يقضي کفاه سجدتان ينتظم الثانية الأولي، وإن لم يسه فيما يقض و فرغ عن صلاته سجد للسهو الذي کان مع الامام استحساناً…… إذا سلم الامام و عليه سهو و قام المسبوق إلي قضاء ما سبق فقرأ و رکع فلم يسجد و سجد الإمام للسهو يتابعه المسبوق في سجود السهو و يقعد معه مقدار التشهد، لأن انفراده لم يتأکد لاجرم لو سجد لا يتابع الإمام لأن انفراده قد تأکد………الخ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم