نوافل بیٹھ کر پڑھنے کا حکم

استفتاء

(1)         نوافل بیٹھ کر پڑھیں یا کھڑے ہوکر ؟ (2) اور کون کون سے نوافل بیٹھ کر پڑھیں قرآن اور احادیث کی روشنی میں وضاحت فرما دیجیئے گا۔

الجواب :بسم اللہ حامداًومصلیاً

1-نوافل کوئی بھی ہوں بیٹھ کر پڑھ سکتے ہیں تاہم اگر بغیر عذر کے بیٹھ کر پڑھیں گے تو آدھا ثواب ہوگا ۔البتہ وتر کے بعد دو رکعت نفل کے بارے میں بعض حضرات کی رائے یہ ہے کہ بیٹھ کر پڑھنے سے بھی پورا ثواب ملے گا۔

شامی (2/584)میں ہے:

(ويتنفل مع قدرته على القيام قاعدا) …وفيه أجر غير النبي صلي الله عليه وسلم على النصف إلا بعذر.

فیض الباری (2/426)میں ہے:

وركعتين جالسا… أن الجلوس فيهما اتفاقي أو قصدي؟ فاختار النووي رحمه الله تعالى الأول. وعندي المختار هو الثاني.

فتاوی محمودیہ (7/228)میں ہے:

سوال:وتر کے بعد نوافل بیٹھ کر پڑھنا موجب زیادۃاجر ہے یا کھڑے ہوکر؟۔۔۔۔الخ

جواب: حضرت قاضی ثناءاللہ پانی پتی رحمہ اللہ نے بیٹھ کر ان کو پڑھنا مستحب فرمایا ہے ،کذا فی مالا بد منہ۔حضرت مولانا انور شاہ صاحب کی رائے بھی یہی ہے ،کذا فی  فیض الباری۔حضرت مولانا رشید احمد گنگوہی ،حضرت مولانا اشرف علی تھانوی رحمہما اللہ،حضرت مولانا محمد اسحق دہلوی رحمہ اللہ کی تحقیق یہ ہے کہ کھڑے ہوکر پڑھنا  موجب زیادۃ اجر ہے۔۔۔۔۔الخ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم