اگر کوئی شخص مرتد ہوجائے اور پھر مسلما ن ہوجائے تو مرتد ہونے سے پہلے جو نمازیں نہیں پڑھی تھیں تو کیا اب ان کی قضاء ہوگی؟

استفتاء

مجھے پوچھنا ہے کہ اگر کوئی مرتد ہونے کے بعد دوبارہ مسلمان ہو تو مرتد ہونے سے پہلے کی نمازوں کی قضا کرنی ہوگی یا نہیں؟ اس لیے کہ اسلام لانے سے تو پچھلے تمام گناہ معاف ہوجاتے ہیں۔

وضاحت: کوئی واقعہ پیش آیا ہے یا معلوماتی سوال ہے؟

جواب وضاحت: نہیں صرف معلوم کرنا ہے مجھ سے کسی نے پوچھا ہے۔

الجواب :بسم اللہ حامداًومصلیاً

مذکورہ صورت میں مرتد ہونے سے پہلے کی نمازوں کی قضا اسلام لانے کے بعد کرنی ہوگی۔باقی یہ جو بات ہے کہ اسلام لانے سے پچھلے تمام گناہ معاف ہوجاتے ہیں یہ اس شخص کے لیے ہے جو نیا مسلمان ہوا ہو ،مرتد کے لیے یہ بات نہیں ۔

در المحتار(6/383) میں ہے:

ويقضي ما ترك من عبادة في الاسلام لان ترك الصلاة معصية والمعصية تبقي بعد الردة.

شامی(6/384) میں ہے:

ولا ينافيه وجوب قضاء ما تركه من صلاة او صيام ومطالبته بحقوق العباد لان قضاء ذلك كله ثابت في ذمته و ليس هو نفس المعصية وانما المعصية اخراج العبادة عن وقتها و جنايته على العبد،فاذا سقطت هذه المعصية لا يلزم سقوط الحق الثابت في ذمته.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم