اذان کے جواب میں أشہد ان محمد رسول اللہ پر درود پڑھنے کا حکم    

استفتاء

1. اذان کے جواب اشہد ان محمد ارسول اللہ کے ساتھ ﷺ کہنا چاہئے ؟
2. اگر نہیں کہنا چاہیئے  تو کیا اور لوگ جو کہ رہے ہوں ان کو نرمی کے ساتھ سمجھا دینا چاہیئے  ہے؟

الجواب :بسم اللہ حامداًومصلیاً

1. اذان میں اشہد ان محمد رسول اللہ کے جواب میں درود پڑھنا مسنون نہیں ہے صرف اسی کلمہ کو دہرانا مسنون ہے۔

تنویر الابصار مع درالمختار(2/59) میں ہے:ويجيب من سمع الأذان بأن يقول کمقالته إلّا فى الحيعلتين و فى الصلوة خير من النوم.رد المختار(2/62) میں ہے:يستحب أن يقال عند سماع الأولى من الشهادة صلى الله عليک يا رسول الله…….. و ذکر ذلک الجراحي و إطال ثم قال و لم يصح فى المرفوع من کل هذا شئى. احسن الفتاوی(2/278) میں ہے:سوال: اذان اور اقامت میں جب لفظ اشہد ان محمداً رسول اللہ سنے درود شریف سامع پر واجب ہوگا یا مستحب؟جواب: اذان اور اقامت میں حضور اکرمﷺ کے نام مبارک کے ساتھ درود شریف نہ منقول ہے اور نہ معمول، بلکہ اس کے برعکس حضور اکرمﷺ کا ارشاد ہے کہ تم بھی وہی کلمات کہو جو مؤذن کہتا ہے پھر اذان کے بعد پہلے درود شریف پڑھو پھر دعا۔جی جو لوگ ایسا کرتے ہیں ان کو نرمی سے سمجھایا جائے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم