حی علی الصلوۃ پر کھڑے ہونے کاحکم

استفتاء

جو امام اور مقتدی حی علی الصلاۃ پر کھڑے ہوتے ہیں ان کا یہ عمل کیسا ہے ؟ کیا یہ حدیث سے ثابت ہے؟

الجواب :بسم اللہ حامداًومصلیاً

1۔ یہ عمل فی نفسہ جائز ہے لیکن اہل بدعت کے اس عمل پر اصرار نے اور ایسا نہ کرنے والوں پر انکار نے اس عمل کو بدعت میں شامل کر دیا ہے ۔ اس لیے اس پر عمل کرنے سے احتراز کیا جائے  تاکہ  اہل بدعت کی تائید نہ ہو ۔

2۔مقتدی اور امام دونوں مسجد میں موجود ہو ں اور پھر بھی حی علی الصلاۃ  سے پہلے بیٹھے رہیں اور حی علی الصلاۃ پر کھڑے ہوں یہ صورت حدیث سے ثابت نہیں ہے ۔(مزید تفصیل کے لیے  دیکھیے جواہرالفقہ 1/309)۔