جوتی پہن کر نمازجنازہ پڑھنا

استفتاء

مفتی صاحب کیا جوتے پہن کر یا جوتوں کے اوپر پاؤں رکھنے سے نماز جنازہ ہو جائے گی؟

کیونکہ اکثر مقامات پر جنازگاہ نہیں ہوتی تو لوگ نماز جنازہ یا تو روڈ پر پڑھتے ہیں یا ایسی کھلی جگہ جہاں چھت کا بندوبست نہیں ہوتا اکثر نماز جنازہ گرمیوں میں گرم زمین پر،سردیوں میں سرد زمین پر اور بارش کے موسم میں گیلی زمین پر پڑھنی پڑتی ہےاسی وجہ سے لوگ جوتے پہن کر ہی نماز جنازہ ادا کرتے ہیں براہ کرم رہنمائی فرمائیں۔

الجواب :بسم اللہ حامداًومصلیاً

جوتی بھی پاک ہواورزمین بھی پاک ہوتوجوتی پہن کرنمازجنازہ پڑھ سکتےہیں،اگرجوتی ناپاک ہوچاہےصرف اوپراوراندرونی حصہ ناپاک ہویانیچےتلاناپاک ہواورزمین پاک ہوتوجوتی اتارکرنمازجنازہ پڑھیں گے،اوراگرزمین ناپاک ہواورجوتی کااوپراوراندرونی حصہ اورنیچےتلاپاک ہوتوجوتی اتارکرجوتی کےاوپرپاؤں رکھ کرنمازجنازہ پڑھ سکتےہیں۔

بحر الرائق (179/2)میں ہے:

لوقام على النجاسةوفي رجليه نعلان لم يجز،ولوافترش نعليه وقام عليهماجازت.وبهذايعلم مايفعل في زماننامن القيام على النعلين في صلاةالجنازةلكن لابدمن طهارةالنعلين كمالايخفى.

فتاویٰ قاضی خان(1/91) میں ہے:

ولوكانت الارض نجسةفخلع نعليه وقام عليهماجاز.

بدائع الصنائع(1/239)میں ہے:

ولوصلي علي ثوب مبطن ظهارته طاهرةوبطانته نجسة،روي عن محمدانه يجوزوكذاذكرفي نوادرالصلاة،وروي عن ابي يوسف انه لايجوز…وعلى هذااذاصلى على حجرالرحى او علي باب اوعلي بساط غليظ اوعلى مكعب ظاهره طاهروباطنه نجس يجوزعندمحمد…وعند ابي يوسف لايجوز.

تاتارخانیہ(1/311)میں ہے:

واذاصلى على موضع نجس وفرش نعليه وقام عليهماجاز،وفي الخانيةأمااذاكان النعل ظاهره وباطنه طاهرافظاهر،وان كان مايلي الارض منه نجسافكذلك وهوبمنزلةثوب ذي طاقين اسفله نجس وقام على ظاهره.

فتاویٰ دارالعلوم دیوبند(5/221) میں ہے:

جوتےپہن کرنمازجنازہ درست ہےيانہیں؟

جواب:جوتامستعملہ جوناپاک جگہ پررکھاجاتاہےاس جوتاکےساتھ نمازجنازہ پڑھنی جائزنہیں ہےاوراس جوتاکےاوپر پیررکھ کربھی نمازجنازہ پڑھنادرست نہیں ہے۔غرض یہ ہےکہ جس طرح تمام نمازیں مستعملہ ناپاک جوتاکےساتھ جائزنہیں ہیں اسی طرح جنازہ کی نمازبھی درست نہیں ہےکیونکہ پاکی لباس اورجوتوں وغیرہ کی ہرایک نمازمیں شرط ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم