کیا مردےہماری آواز سنتے ہیں؟

استفتاء

کیا مردے ہماری آواز سنتے ہیں؟ کوئی قرآن پاک کی دلیل ہو یا کوئی حدیث ہو؟

الجواب :بسم اللہ حامداًومصلیاً

دور سے تو بالاتفاق نہیں سنتے ہیں البتہ قبر کے قریب سے سننے میں اختلاف ہے اور یہ اختلاف حضرات صحابہ کرام رضی االلہ تعالیٰ عنہم اجمعین سے چلا آرہا ہے ۔نیزیہ اختلاف بھی عام مردوں کے بارے میں ہے،حضرات انبیاء کرام علیہم الصلوٰت والتسلیمات کے بارے میں نہیں ،کیونکہ ان حضرات کے قبر کے قریب سے سننےمیں اختلاف نہیں۔

دونوں طرف کے دلائل کی تفصیل دیکھنی ہو تو مولانا سرفراز خان صفدر رحمۃ اللہ علیہ کی کتاب ’’تسکین الصدور ‘‘اور ’’سماع موتی ‘‘دیکھیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم