مسجد میں داخل ہوتے ہی پڑھے گئے فرض یا سنتیں بغیر نیت کے تحیۃ المسجد کے قائم مقام ہو جائیں گے؟

استفتاء

مسجد میں داخل ہوتے ہی کوئی فرض یا سنت ادا کرلیے جائیں تو کیا یہ تحیۃ المسجد بھی ہوجائیں گے اگرچہ الگ سے تحیۃ المسجد کی نیت نہ کی ہو۔

الجواب :بسم اللہ حامداًومصلیاً

مسجد میں داخل ہوتے ہی ادا کیے جانے والے فرض یا سنت تحیۃ المسجد کے قائم مقام ہو جائیں گے اگرچہ الگ سے تحیۃ المسجد کی نیت نہ بھی کی ہو ۔

البحر الرائق شرح کنز الدقائق (2/357)میں ہے:

“فإن الفرض أو السنة تغني عن ‌تحية ‌المسجد.”

درر الحکام شرح غرر الاحکام (1/116) میں ہے:

(قوله وأداء الفرض ينوبها) قدمنا أن كل صلاة أداها عند الدخول تنوب عنها بلا نية التحية اهـ.”

بدائع الصنائع (1/190) میں ہے:

“كداخل المسجد إذا اشتغل بالفرض ناب ذلك مناب ‌تحية ‌المسجد لحصول تعظيم المسجد.”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم