“میری ہزار قسم ہےمیں یہ کام نہیں کروں گی”سے کتنی قسمیں ہوں گی؟

استفتاء

ایک شخص قسم کھائے،دوسرا اس کے جواب میں کہے”آپ کی ایک قسم ہے،میری ہزار قسم ہے میں یہ کام نہیں کروں گی “تو کیا اب وہ ہزار قسموں کا کفارہ ادا کریں گی یا ایک قسم کا؟

الجواب :بسم اللہ حامداًومصلیاً

مذکورہ الفاظ”میری ہزار قسم ہے میں یہ کام نہیں کروں گی”سے ایک ہی قسم ہوئی ہے لہذا قسم توڑنے کی صورت میں ایک ہی کفارہ لازم آئے گا۔

البحرالرائق(4/310)میں ہے:

قال(فى الظهيرية ):ولو قال: إن فعلت كذا فأنا بريء من الله ‌ألف ‌مرة ففعل لزمته كفارة واحدة اهـ.

شامی(5/504)میں ہے:

وبريء من الله ‌ألف ‌مرة ‌يمين واحدة وفى الشامىة: قوله ‌يمين واحدة) لأن قوله ‌ألف ‌مرة للمبالغة فلم يتكرر فيها اللفظ حقيقة تأمل.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم