نماز اشراق وچاشت کی رکعات

استفتاء

نماز اشراق اورنماز چاشت کی کتنی کتنی رکعات ہوتی ہیں ؟سنت طریقہ کیا ہے کتنی رکعات پڑھنی چاہئیں؟

الجواب :بسم اللہ حامداًومصلیاً

اشراق اورچاشت دونوں کی  کم از کم دورکعات ہیں،اور زیادہ سے زیادہ اشراق کی چار رکعتیں ہیں اورچاشت کی بارہ رکعات ہیں البتہ چاشت میں افضل اور اوسط آٹھ رکعات ہیں۔

ترمذي(1/109) میں ہے:

عن انس قال قال رسول اللهﷺمن صلي الفجر في جماعة ثم قعد يذکرالله حتي تطلع الشمس ثم صلي رکعتين کانت له کاجر حجة وعمرة ،قال قال رسول الله ﷺتامة تامة تامة .

ابوداود (1/129)میں ہے:

عن نعيم بن عمار قال سمعت رسول الله ﷺيقول يقول الله عزوجل ياابن آدم لاتعجزني من اربع رکعات في اول نهارک اکفک اخره .

ردالمحتار (1/639)میں ہے:

وفي العلائية عن المنية اقلها (صلوة الضحي)رکعتان واکثرها اثناعشرواوسطها ثمان وهو افضلها کما في الذخائر الاشرفية لثبوته بفعله وقوله عليه السلام واما اکثرها بقوله فقط وفي الشامية(قوله وکثرها اثناعشر )لمارواه الترمذي والنسائي بسند فيه ضعف انه ﷺ قال من صلي الضحي ثنتي عشرة رکعة بني الله له قصرا من ذهب في الجنة وقد تقرران الحديث الضعيف يجوز العمل به في الفضائل ،شرح المنية.

مسائل بہشتی زیور(1/283) میں ہے:

اشراق کی نماز

جب سورج نکل آئے اور اونچا ہوجائے تو دو رکعت یا چار رکعت پڑھ لے تو حج اور ایک عمرے کا ثواب ملتا ہے۔

چاشت کی نماز

پھر جب سورج  خوب زیادہ اونچا ہوجائے اور دھوپ تیز ہوجائے تب کم سے کم دو رکعت پڑھے یا اس سے زیادہ پڑھے یعنی چار رکعت یا آٹھ رکعت یا بارہ رکعت پڑھ لے اس کو چاشت کہتے ہیں اس کا بھی بہت ثواب ہے۔

احسن الفتاوی (3/466)میں ہے:

سوال:اشراق ،چاشت اوراوابین کی کم سےکم کتنی رکعتیں ہیں اورزیادہ سے زیادہ کتنی رکعتیں ہیں؟

جواب:اشراق وچاشت دونوں کی کم ازکم دورکعتیں ہیں ،اشراق کی زیادہ سے زیادہ چار رکعتیں ہیں، اورچاشت کی زیادہ سے زیادہ بارہ ،اوابین دو رکعت سنت مؤکدہ سمیت کم ازکم چھ اورزیادہ سے زیادہ بیس رکعات ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی تعالی اعلم