قبرستان كی مٹی سے تیمم کا حکم

استفتاء

قبرستان كی مٹی سے تیمم جائز ہے؟

الجواب :بسم اللہ حامداًومصلیاً

جب تک قبرستان کی مٹی کے ناپاک ہونے کا غالب گمان نہ ہو جائے اس وقت تک قبرستان کی مٹی سے تیمم کرنا جائز ہے۔

توجیہ: چونکہ تیمم کے لیے مٹی کا پاک  ہونا شرط ہے اور جب تک کسی مٹی کے ناپاک ہونے کا یقین یا  ظن غالب نہ ہو وہ پاک ہی شمار ہوتی ہے۔

حاشیۃ  الطحطاوی  علی مراقی الفلاح (ص:119) میں ہے:

‌ولو ‌تيمم ‌بتراب المقبرة إن غلب على ظنه نجاسته لا يجوز كمن غلب على ظنه نجاسة الماء وإلا فيجوز كما في السراج

شامی (1/434) میں ہے:

(هو) لغة: القصد. وشرعا (قصد صعيد)

(قوله وشرعا إلخ) قال في البحر: واصطلاحا على ما في شروح الهداية القصد إلى الصعيد الطاهر للتطهير

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم