سنت موکدہ،غیر موکدہ،یا نفل نمازوں کا اعادہ  کسی وقت کے ساتھ خاص نہیں

استفتاء

فرض نمازوں کی سنت موکدہ،غیر موکدہ،یا نفل نماز کی ادائیگی میں اگر کسی واجب کے چھوٹ جانے سے ان کا اعادہ ذمہ میں واجب ہوا ہو،یا اگر ان کو شروع کرنے کے بعد سلام سے پہلے توڑ دیا ہو اور اعادہ کا وجوب ذمہ میں آیا ہو، تو کیا ان کا اعادہ اس فرض نماز کے وقت کے اندر ہی کرنا ضروری ہے یا اس کے وقت کے گزر جانے کے بعد بھی ان کے اعادہ کا وجوب ذمہ میں باقی رہے گا؟

الجواب :بسم اللہ حامداًومصلیاً

مذکورہ صورت میں جب تک اس نماز کی قضاء نہ کرے اس کی قضاء واجب رہے گی چاہے وقت نکل جائے۔

بحر الرائق (1/324)میں ہے كل صلاة أديت مع ترك واجب وجبت إعادتها.شامی(2/578)میں ہے يقضي ركعتين لو أتم الشفع الأول بقعدته ثم شرع في الثاني فنقضه في خلاله قبل القعدة فيقضي الثاني فقط لتمام الأول لكن ينبغي وجوب إعادة الأول لترك واجب السلام مع عدم انجباره بسجود سهو كما هو الحكم في كل صلاة أديت مع ترك واجب ولا يخالف ذلك كلامهم هنا لأن كلامهم في لزوم القضاء وعدمه بناء على الفساد وعدمه والإعادة هي فعل ما أدى صحيحا مع الكراهة مرة ثانية بلا كراهة.

بحر الرائق (2/141)میں ہےوالقضاء فرض في الفرض واجب في الواجب سنة في السنة ثم ليس للقضاء وقت معين بل جميع أوقات العمر وقت له إلا ثلاثة،وقت طلوع الشمس ووقت الزوال ووقت الغروب فإنه لا تجوز الصلاة في هذه الأوقات.

مسائل بہشتی زیور(1/111)میں ہے:

اگر نفل یا سنت نماز میں حیض یا نفاس شروع ہوا تو اس کی قضا پڑھنا ہوگی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم