تعزیتی پروگرام کرنے کا حکم

استفتاء

جب کوئی بندہ فوت ہوجاتا ہے تو تیسرے دن ایک تقریب منعقد کی جاتی ہے جس کو سوئم کہا جاتا ہے اور یہ اہل سنت والجماعت کے نزدیک درست نہیں ہے اور اس کو ہم بدعت کہتے ہیں،لیکن کچھ عرصے سے یہ دیکھا جا رہا ہے کہ جب بھی ہمارے اکابرین دیوبند میں سے کوئی بھی  اس دنیا سے داغ مفارقت اختیار کرتا ہے تو تیسرے دن اہل بدعت کی طرح تقریب رکھی جاتی ہے بس اس کا نام بدل دیا  ہےاس کو تعزیتی پروگرام کہا جاتا ہےلہذا اس طرح کے پروگرام کا انعقاد کرنے سے اہل بدعت سے مشابہت لازم آئے گی یا نہیں؟

الجواب :بسم اللہ حامداًومصلیاً

کسی شخص کی وفات پر تعزیتی پروگرام رکھنے کی دو صورتیں ہیں :

1-اہل میت سے تعزیت کرنے کے لیے پروگرام رکھا جائےیہ صورت جائز نہیں ہے۔

2-وفات پانے والے کے اوصاف و محاسن بیان کرنے کے لیے پروگرام رکھا جائے تاکہ لوگوں میں ان کے نقش قدم پر چلنے کا شوق پیدا ہو(نہ کہ اہل میت سے تعزیت کے لیے)یہ صورت جائز ہےلیکن اس کے لیے دو باتوں کا خیال رکھنا ضروری ہے۔

1-تین دن کے اندر نہ کیا جائے،تاکہ اہل بدعت سے مشابہت نہ ہو۔

2-اسے تعزیت کا عنوان نہ دیا جائے،تاکہ تکرار تعزیت کی صورت نہ بنے۔

الطحطاوی علی مراقی الفلاح(616)میں ہے:

’’يكره الاجتماع عند صاحب الميت حتى يأتي إليه من يعزي بل إذا رجع الناس من الدفن فليفرقوا ويشتغلوا بأمورهم وصاحب الميت بأمره

مسند احمد بن حنبل،رقم الحدیث: ( 6905)میں ہے:

عن جرير بن عبد الله البجلي، قال: ” ‌كنا ‌نعد ‌الاجتماع إلى أهل الميت وصنيعة الطعام بعد دفنه من النياحة "

تبیین الحقائق (1/246)میں ہے:

(قوله: لا بأس بتعزية أهل الميت إلخ)، وأكثرهم على أن يعزى إلى ثلاثة أيام ثم يترك لئلا يتجدد الحزن وروى ابن ماجه أن رسول الله صلى الله عليه وسلم قال «ما من مؤمن يعزي أخاه بمصيبة إلا كساه الله من حلل الكرامة يوم القيامة۔۔۔۔۔۔وروى الإمام أحمد وابن ماجه بإسناد صحيح عن جرير بن عبد الله قال كنا نعد الاجتماع إلى أهل الميت وصنعهم الطعام من النياحة

ردالمحتار(3/176)میں ہے:

(قوله: وبالجلوس لها) أي للتعزية۔۔۔۔۔وفي الأحكام عن خزانة الفتاوى: الجلوس في المصيبة ثلاثة أيام للرجال جاءت الرخصة فيه۔۔۔۔۔۔۔وفي الإمداد: وقال كثير من متأخري أئمتنا يكره الاجتماع عند صاحب البيت ويكره له الجلوس في بيته حتى يأتي إليه من يعزي، بل إذا فرغ ورجع الناس من الدفن فليتفرقوا ويشتغل الناس بأمورهم وصاحب البيت بأمره اهـ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم