طلاق کے بعد مہر عورت کا حق ہے یا مرد کا؟

ایک شخص نے بوقتِ نکاح 6تولے زیور سونا حق مہر معجل ادا کردیا ہے اب اس کی طلا ق ہوگئی ہے تو حق مہر شرعی طور پر بیوی کا ہوگا یا خاوند کا ہوگا؟

وضاحت مطلوب ہے: رخصتی سے پہلے طلاق ہوئی ہے یا بعد میں؟

جواب وضاحت: رخصتی کے 6 سال بعد بیو ی کا طلاق کا مطالبہ ہے جبکہ کوئی اولاد نہیں ہے۔

بیوی کا ہوگا۔

توجیہ: رخصتی کے بعد پورا حق مہر شوہر کے ذمہ واجب ہوجاتا ہے۔

ہندیہ (1/303) میں ہے:

‌والمهر ‌يتأكد بأحد معان ثلاثة: الدخول، والخلوة الصحيحة، وموت أحد الزوجين سواء كان مسمى أو مهر المثل حتى لا يسقط منه شيء بعد ذلك إلا بالإبراء

البنایہ شرح الہدایہ (5/137) میں ہے:

‌وإذا‌‌ ‌خلا ‌الرجل بامرأته وليس هناك مانع من الوطء، ثم طلقها فلها كمال المهر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم