• جامعة دارالتقوی لاہور، پاکستان
  • دارالافتاء اوقات : صبح آ ٹھ تا عشاء

ذاتی پلاٹ پر مشترکہ سرمایہ سے تعمیر کیے گئے مکان کی تقسیم

استفتاء

والد صاحب کا مکان بیچا۔ میرا پلاٹ تھا رقبہ 12 مرلہ (یہ میرا ذاتی ہے)، اس پلاٹ پر مذکورہ بالا مکان کی رقم میرے  پلاٹ پر تعمیر ہو گئی، تعمیر میں لگا دی گئی، اس رقم میں تمام بہن بھائی، والدہ مرحومہ جو شرعی حصہ دار تھے متفقہ طور پر فیصلہ ہوا اور میرے پلاٹ پر مکان تعمیر ہو گیا۔

اس مکان میں بڑے بھائی نے 70000 روپے بقول ان کے اس مکان کی تعمیر میں لگائے تھے۔ میرے چھوٹے بھائی نے مکان کی کھڑکیوں کی لاگت دی جو اب اللہ کو پیارا ہو گیا اور اس کی کوئی اولاد نہیں ہے۔ اس مکان کی تعمیر میں میں نے بھی رقم لگائی تھی، اس کا تو اب حساب میرے پاس نہیں ہے۔

جب میری شادی ہوئی تو میں نے اس مکان پر اوپر کی منزل تعمیر کی جو خالصتاً نے اپنی رقم سے کی ہے۔

مختصراً یہ کہ:

1۔ پلاٹ میری ملکیت ہے۔

2۔ اوپر کی منزل میں نے اپنی رقم سے تعمیر کی ہے۔

3۔ گراؤنڈ فلور پر تعمیر میں میں نے بھی اخراجات کیے، مشترکہ طور پر بھائیوں کے ساتھ، جس کا ذکر اوپر کیا گیا ہے۔

اب میرا سوال یہ ہے کہ کیا شرعی طور پر میرے بھائی اور بہن برابر کے حصہ دار ہیں؟ اگر نہیں تو اس جائیداد میں بھائی بہنوں کا

حصہ کس تناسب سے ہو گا؟ اور کیا وہ برابر کے دعوے دار ہیں؟ میری رہنمائی فرمائیں تاکہ مجھ سے اس معاملے میں کوئی کوتاہی نہ ہو جائے۔

نوٹ: والدہ کا انتقال بھائی سے پہلے ہوا تھا۔

الجواب :بسم اللہ حامداًومصلیاً

مذکورہ صورت میں پلاٹ اور اوپر کی منزل آپ کی ہے ان میں کسی اور کا کوئی حق نہیں، اور گراؤنڈ فلور کی تعمیر کی چونکہ آپ کے والد کے مکان کے روپے اور بھائیوں نے بھی تعمیر میں رقم لگائی ہے، لہذا گراؤنڈ فلور کی تعمیر کی قیمت لگوا کر پہلے بھائیوں کی رقم نکال کر جو باقی بچے اس کو تمام ورثاء میں شرعی اعتبار سے تقسیم کر دیں۔ وہ اس طرح کہ دو دو حصے بھائیوں کے اور ایک ایک حصہ بہنوں کا۔ تقسیم کی صورت یہ ہو گی:

زوجہ

8/1

1×9

9

9

8×9= 72×7= 504             سائل کا والد                                    

بیٹا

 

 

14

بیٹا                 بیٹا       بیٹی      بیٹی      بیٹی

عصبہ

7×9

63

14×7          14×7 7×7   7×7   7×7

98               98     49     49     49

 

9×7= 63                  سائل کی والدہ     مف 9×7= 63

بیٹا

2

بیٹا       بیٹا       بیٹی      بیٹی      بیٹی

2×7   2×7   1×7   1×7   1×7

14     14     7       7       7

 

7×16= 112              سائل کا بھائی       مف 16×7= 112

بھائی         بھائی               بہن               بہن                بہن

2×16     2×16          1×16          1×16          1×16

32                   32               16               16               16

الاحیاء                                                                          

بھائی         بھائی               بہن               بہن                بہن

144       144             72               72               72               فقط و اللہ تعالیٰ اعلم

Share This:

© Copyright 2024, All Rights Reserved