ظہر کی سنتیں رہ جائیں تو پہلے دو پڑھیں یا چار

استفتاء

حضرت مفتی صاحب یہ مسئلہ پوچھنا تھا کہ اگر ظہر کی پہلی چار سنت موکدہ رہ جائیں تو فرائض کے فوراً بعد پڑھنی چاہیے یا دو سنت کے بعد افضل طریقہ کون سا ہے؟

الجواب :بسم اللہ حامداًومصلیاً

مذکورہ صورت میں بہتر یہ ہے کہ فرائض کے بعد پہلے دو سنت پڑھ لی جائیں پھر پہلے والی چار سنتیں پڑھی جائیں۔

درمختارمع ردالمحتار(2/619)میں ہے:’’(بخلاف ‌سنة ‌الظهر) وكذا الجمعة (فإنه) إن خاف فوت ركعة (يتركها) ويقتدي (ثم يأتي بها) على أنها سنة (في وقته) أي الظهر (قبل شفعه) عند محمد،وبه يفتى جوهرةقال ابن عابدین: (قوله وبه يفتى) أقول: وعليه المتون، لكن رجح في الفتح تقديم الركعتين. قال في الإمداد: وفي فتاوى العتابي أنه المختار، وفي مبسوط شيخ الإسلام أنه الأصح لحديث عائشة «أنه – عليه الصلاة والسلام – كان إذا فاتته الأربع قبل الظهر يصليهن بعد الركعتين» وهو قول أبي حنيفة، وكذا في جامع قاضي خان اهـ‘‘مسائل بہشتی زیور(1/275)میں ہے:’’اگر ظہر کی پہلے کی چار سنت موکدہ رہ گئی ہوں تو فرضوں کے بعد ان کو ادا کرے اور فرضوں کے بعد بہتر یہ ہے کہ پہلے دو سنت ادا کرے پھر چار سنت پڑھے لیکن اگر کسی نے فرض کے بعد پہلے چار سنت پڑھیں پھر دو سنت پڑھیں تو اس کی سنتیں بھی ادا ہوگئیں۔‘‘۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم