کیا وسعت رزق سے متعلق مندرجہ ذیل حدیث صحیح ہے ؟

استفتاء

ایک صحابی نے عرض کیا کہ یارسول اللہ ﷺ دنیا نے مجھ سے پیٹھ پھیر لی ہے، آپ ﷺ نے فرمایا: کیا تجھے وہ تسبیح یاد نہیں،جو تسبیح فرشتوں اور مخلوق کی ہے، جس کی برکت سے روزی دی جاتی ہے،جب طلوعِ فجر ہوتو یہ تسبیح  100  مرتبہ پڑھا کرو، “سبحان اللہ وبحمدہ سبحان اللہ العظیم وبحمدہ استغفراللہ” دنیا تمھارے پاس ذلیل ہوکر آئیگی،ان صحابی کو سات دن گزرے تھے کہ خدمت اقدس میں حاضر  ہوکر عرض کی  “حضور میرے پاس دنیا  اس کثرت سے آئی کہ میں حیران ہوں کہ کہاں اٹھاؤں اور کہاں رکھوں۔

(۱) کیا یہ حدیث صحیح ہے ؟  (۲) کیا اس کو طلوعِ فجر کے ساتھ پڑھنا شرط ہے ؟اور طلوع ِ فجر سے کون سا وقت مراد ہے ؟

الجواب :بسم اللہ حامداًومصلیاً

(۱)یہ حدیث سندا ضعیف ہے لیکن اس پر عمل کیا جاسکتا ہے ۔ چنانچہ علّامہ ابن عراق کنانیؒ  کتاب تنزیہ الشریعہ (2/318)  میںمذکورہ حدیث سےمتعلق جملہ اقوال نقل کرنے کے بعد فرماتے ہیں :

” قضیتہ ان ھذا الحدیث ضعیف لا موضوع”       

(۲) طلوعِ فجر کے ساتھ  پڑھنا شرط نہیں البتہ بہتر ہےاور طلوعِ فجر سے مراد صبح صادق ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم