عہد نامہ  اور دعائے جمیلہ کا  پڑھنا کیسا ہے ؟

استفتاء

(۱)دعائے جمیلہ  اور  (۲)عہد نامہ کا پڑھنا  کیسا ہے ؟اور کیا  یہ  حدیث سے ثابت  ہیں ؟

الجواب :بسم اللہ حامداًومصلیاً

(۱)دعا ئےجمیلہ اور اس کے فضائل جو بيان كيے جاتے ہيں احادیث سے ثابت نہیں ،یہ دعا  اگر چہ اسمائے  حسنیٰ پر مشتمل  ہے  مگربعض اسماء مثلایا عجیب کا استعمال ذات باری تعالیٰ کےلیے مناسب  نہیں ، اس لئے اس  کے پڑھنےسےاجتناب کر نا چاہیئے۔

(۲)عہد نامہ کی جو دعا مشہور ہے اس کے الفاظ بعینہ تو  حد یث سے ثابت نہیں  البتہ ان سے ملتے جلتے الفاظ کا ثبو ت کتب احادیث میں  ملتا ہے ،نیز اس کے الفاظ بھی درست ہیں لہذا اس کے پڑھنے میں کوئی  حرج نہیں  ۔

المعجم الكبير (9/ 186)میں ہے :حدثنا أبو مسلم الكشي ثنا عبد الله بن رجاء ثنا المسعودي ( ح )  وحدثنا عمر بن حفص السدوسي ثنا عاصم بن علي ثنا المسعودي عن عون بن عبد الله عن أبي فاختة عن الأسود بن يزيد قال : قرأ عبد الله { إلا من اتخذ عند الرحمن عهدا } قال : يقول الله يوم القيامة : من كان له عندي عهد فليقم يا أبا عبد الرحمن فعلمنا قال: قولوا:اللهم فاطر السماوات والأرض عالم الغيب والشهادة إني أعهد إليك في هذه الحياة الدنيا إنك إن تكلني إلى نفسي تقربني من الشر وتباعدني من الخير وإني لا أثق إلا برحمتك فاجعله لي عندك عهدا تؤديه إلى يوم القيامة إنك لا تخلف الميعاد قال : وزاد فيها زكريا أبو يحيى عن القاسم : خائفا مستجيرا مستغفرا راغبا إليكفتاویٰ رشیدیہ (603)میں ہے:سوال ؛عہد  نامہ ایک چھو ٹی  کتاب ہے  اور اس کے پڑھنے کا ثواب حد  درجہ لکھا ہے یہ عہد نامہ اور  اس کی اسناد  معتبر ہے یا غیر معتبر ؟ جواب :عہد نامہ کے پڑھنے  میں  کچھ حرج نہیں مگر اس کا ثواب جو لکھا ہے وہ غلط ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم