فصل کی کٹائی کے لیے روزہ موخر کرنا

استفتاء

اگرکسی کی فصل پکی ہواوررمضان شریف کےروزےبھی آجائیں توپھرروزہ چھوڑنےکی اوربعدمیں قضاکی صورت بنتی ہےیانہیں؟

الجواب :بسم اللہ حامداًومصلیاً

اگرفصل خودکاٹنےکےعلاوہ کوئی چارہ کارنہ ہواورفصل کاٹنےکی صورت میں روزہ رکھناممکن نہ ہوتوایسی صورت میں روزہ چھوڑنےکی گنجائش ہے،تاہم بعدمیں قضاکرناضروری ہے۔

امدادالاحکام(2/138)میں ہے:

اگرفصل کاٹنے میں تاخیرکرنے سے زراعت کے ضائع ہونے کاخطرہ نہ ہو تب توکاشتکار کولازم ہے کہ فصل کو بعد رمضان کے کاٹے، اوراگر تاخیر سے زراعت کے ضائع ہونے کا اندیشہ ہواس لیے رمضان ہی میں کاٹناپڑے اور کٹائی کی حالت میں روزہ دشوار ہوتوکاشتکار کو اس حالت میں افطارجائز ہے،اوردرست ہے کہ بعد رمضان کے ان ایام کی قضاء کرے کفارہ نہ ہوگا،قال فی الفتاوی الکاملية سئلت عن حصادلم یقدرعلیٰ حصاد زرعه مع الصوم واذا اخره يهلک  هل یجوزله الافطار حینئذ، فالجواب نعم یجوزله ذلک حینئذفقدنقل المحقق ابن عابدین رحمه الله تعالیٰ فی حواشيه علی الدرعن الخیر الرملی مانصه وعلیٰ هذا الحصاداذالم یقدرعليه مع الصوم ويهلك الزرع بالتاخیر لاشک فی جوازالفطر والقضاء آه والله اعلم،رمضان ۴۱ھ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط والله تعالی اعلم