مشروط طلاق ثلاثہ سے بچنے کا حیلہ

استفتاء

راقم کا بھائیوں کے ساتھ اور والد صاحب کے ساتھ تقسیم جائیداد کا تنازعہ چل رہا تھا، جس میں کافی الجھن اور پریشانی کی وجہ سے بندہ نے یہ قسم اٹھائی کہ “اگر میں نے والد صاحب کے (گھریلو) مال مویشی میں سے یا بیوی کا مال (جو کہ تقسیم سے قبل مشترکہ ہی تھا) لیا تو میری بیوی کو تین طلاق۔” اس کے بعد اب جب تقسیم کے مراحل آئے تو بھائی راقم کو اس کا اور راقم کی بیوی کو اس کا مال (جو اسے اس کے والدین کی طرف سے ملا تھا) دینا چاہتے ہیں۔

امرِ مطلوب یہ ہے کہ اس صورت میں اگر وہ مال راقم کی بیوی کو دیتے ہیں تو اس سے طلاق واقع ہو گی یا نہیں؟ اگر اس صورت میں طلاق واقع ہو جاتی ہے تو براہ کرم اس مسئلہ کا جائز اور مناسب حل تجویز فرما دیں۔

الجواب :بسم اللہ حامداًومصلیاً

تین طلاق سے بچنے کا طریقہ یہ ہے کہ آپ بیوی کو صرف ایک طلاق بائنہ دیں اور اس کے عدت گذرنے کا انتظار کریں، عدت گذرنے کے بعد آپ والد کا اور  بیوی کا مال لے لیں۔ اس کے بعد نئے مہر کے ساتھ گواہوں کی موجودگی میں دوبارہ نکاح کر لیں۔ اس طرح تعلیق ختم ہو جائے گی۔ البتہ آئندہ کے لیے آپ کے پاس صرف دو طلاقوں کا حق باقی رہ جائے گا۔ فقط و اللہ تعالیٰ اعلم