مسجد کی تیسری منزل میں مدرسہ بنانا

استفتاء

کیا فرماتے ہیں اس مسئلہ کے بارے میں کہ ایک نئی مسجد تعمیر کی جا رہی ہے، اور جگہ ایک ہی فرد کی ملکیت ہے، زکوٰة وغیرہ کے پیسے سے نہیں خریدی گئی، اور جگہ مسجد یا مدرسہ کے لیے وقف بھی نہیں، اور ارادہ ہے کہ مسجد کے اوپر دوسری یا تیسری منزل مدرسہ کے لیے مختص کر دی جائے، تو کیا یہ شریعت کی رُو سے جائز ہے؟ جواب جلد از جلد عنایت فرمائیں۔

نوٹ: بنات کا مدرسہ بنانے کا ارادہ ہے۔

الجواب :بسم اللہ حامداًومصلیاً

مسجد کے لیے وقف کرنے سے پہلے ہی یہ نیت اور تعین کر لیا جائے کہ دوسری یا تیسری منزل پر مدرسہ ہو گا تو جائز اور درست ہے۔ مزید احتیاط یہ ہے کہ اس کی وضاحت بھی دوسرے لوگوں کے سامنے کر دی جائے۔ فقط و اللہ تعالیٰ اعلم