روزے کی نیت ’’وبصوم غد نویت من شہر رمضان ‘‘میں ’’غد ‘‘کے لفظ پر اشکال اور اس کا جواب

استفتاء

روزے کی نیت جن الفاظ سے کی جاتی ہے (وبصوم غد نويت من شهر رمضان )اس میں ’’غد‘‘  کا لفظ ہے (جس کا معنی  کل ہے )تو پھر یہ دعا ہر روز ے سے ایک دن پہلے پڑھی جائے تب اگلے دن کا روزہ ہوگا ؟اس کے بارے میں آگاہ فرمادیں

الجواب :بسم اللہ حامداًومصلیاً

’’غد‘‘سے مراد سحری کا وقت یعنی رات ختم ہونے کے بعد شروع ہونے والا دن ہے، لہذا سحری کا وقت ختم ہونے سے پہلے پہلے یہ دعا پڑھ لینا کافی ہے، ہر روزے سےایک دن پہلے پڑھنے کی نہ ضرورت ہے نہ ہی اس دعا کا تقاضا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی ا علم