وطن اقامت سے شرعی مسافت سے کم کے لیے جانا

استفتاء

اور پھر اس کا وطن اصلی سرگودھا ہے وہ تعلیم حاصل کرنے کی غرض سے گوجرانوالہ آیا ہے جہاں اس کو مستقل ایک مہینہ ٹھہرنا پڑتا ہے ایک مہینہ کے بعد گھر جاتا ہے وہ اس وجہ سے کہ میں مسافر ہی رہوں اقامت کی نیت نہیں کرتا اور ہر ہفتہ کو گوجرانوالہ شہر سے باہر چلا جاتا ہے تاکہ مسافر ہونے کی وجہ سے سنتوں اورنفلوں کی جگہ قضا فرض ادا کرسکوں۔ تو کیا اس کا ایسا کرنا درست ہے؟ اور وہ ایسی صورت میں مسافر رہے گا؟

وضاحت مطلوب ہے: گوجرانوالہ شہر سے کہاں جاتا ہے اور کتنی دیر کے لیے اور رات کہاں گذارتا ہے؟

جواب: گواجرانوالہ شہر سے بارہ کبھی 20 کلومیٹر کبھی 30 کلو میٹر یعنی سفر کی جو شرعی مقدار 48 میل ہے اس سے کم سفر کرتا ہے اور کبھی دو گھنٹہ کے لیے کبھی چار گھنٹہ کے لیے اور کبھی کبھار تو رات بھی وہیں بسر کرلیتا ہے۔ لیکن اکثر و بیشتر رات گوجرانوالہ شہر ہی واپس آکر گذارتا ہے۔

الجواب :بسم اللہ حامداًومصلیاً

اگر کبھی گوجرانوالہ میں 15 دن کی اقامت کی نیت سے ٹھہرا ہے اور نہ تو سفر شرعی کیا اور نہ ہی رات کہیں اور بسر کی تو مقیم ہوچکا۔ اب وہ مقیم ہی رہے گا۔ فقط و اللہ تعالیٰ اعلم