وضو میں مسواک   کر نا  سنت  مؤکدہ ہے یا محض مستحب ہے؟

استفتاء

سوال :مسائل بہشتی زیور  میں مسواک کے بارے میں درج  ہے کہ "وضو کے وقت مسواک کرنا سنت مؤکدہ ہے”(ص45/ج1)

نیز ( 47/1) میں ہے”  لکڑی کی مسواک کے ترک کو معمول بنا لینے میں سنت مؤکدہ کا ترک ہے "جبکہ ہم نے ہمیشہ مسواک کے بارے میں یہی سنا ہے کہ مسواک کرنا مستحب ہے جیسا کہ ذیل کی تحریر سے بھی ظاہر ہے ۔

وضاحت فرما دیں کہ مسواک کرنا سنت ہے یا مستحب ہے ؟

"(مسواک کرنا )مستحب ہے کیونکہ سنن فطریہ میں سے ہے۔

(کیونکہ )وہ اعمال جن کو نبی صلی اللہ علیہ وسلم نے اور صحابہ کرام رضی اللہ تعالی عنہ نے عموما اور اکثر بطور عبادت کیا ہو اور تاکید فرمائی ہو اس کو ادا کرنے پر اجر ملتا ہے کبھی بلاوجہ بھی چھوڑ دیا ہو اور بغیر عذر مکمل چھوڑ دینے کی عادت قابل ملامت اور مذمت ہے جب کہ کبھی کبھار چھوڑ دینے پر کوئی گناہ نہیں۔

المبحث الثاني حكم السواك :السواك مندوب اليه وهو من سنن الفطرة وهذا باتفاق المذاهب الفقهيةالاربعة الحنفية والمالكية والشافعية والحنابلة وحكي الاجماع على ذلك”

سائل افتخار احمد

الجواب :بسم اللہ حامداًومصلیاً

وضو میں مسواک کرنا سنت مؤکدہ ہےمحض مستحب نہیں ہےمنسلکہ تحریر  میں مسواک کے مستحب ہونے کی جو دلیل ذکر کی گئی ہے وہ خود مسواک کے سنت مؤکدہ ہونے کو  ثابت کرتی ہے جیسا کہ اہل علم پر مخفی نہیں۔

الجوهرة النيرہ(1/ 11)میں ہے:

( قوله : والسواك ) هو سنة مؤكدة ووقته عند المضمضة .

درمختار (1/ 122)میں ہے:

(والسواك) سنة مؤكدة كما في الجوهرة عند المضمضة، وقيل قبلها۔

بدائع الصنائع (1/ 108)میں ہے:

وأما سنن الوضوء فكثيرة بعضها قبل الوضوء وبعضها في ابتدائه وبعضها في أثنائه ۔۔۔ومنها السواك لما روي عن النبي ﷺأنه قال لولا أن أشق على أمتي لأمرتهم بالسواك عند كل صلاة وفي رواية عند كل وضوء ولأنه مطهرة للفم على ما نطق به الحديث السواك مطهرة للفم ومرضاة للرب  وروي عنه أنه قال ما زال جبريل يوصيني بالسواك حتى خشيت أن يدردني  وروي أنه قال طهروا مسالك القرآن بالسواك وله أن يستاك بأي سواك كان رطبا أو يابسا مبلولا أو غير مبلول صائما كان أو غير صائم قبل الزوال أو بعده لأن نصوص السواك مطلقة ۔

عمدۃ الفقہ (132/1) میں ہے:

مسواک کا حکم: وضو کی سنتوں میں سے ایک سنت مسواک کرنا بھی ہے یہ سنت مؤکدہ ہے۔

کفایت المفتی(414/2) میں ہے:

سوال :وضو میں مسواک سنت مؤکدہ ہے یا محض سنت؟

جواب :وضو میں مسواک سنت مؤکدہ ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم