موبائل یا کیمرے کے ذریعے ویڈیو بنانا

استفتاء

موبائل یا بذریعہ کیمرہ ویڈیو بنانا کیسا ہے نیز اسے دیکھنے کا شرعی حکم کیا ہے؟

الجواب :بسم اللہ حامداًومصلیاً

بعض حضرات ویڈیو بنانے کو جائز کہتے ہیں اور کہتے ہیں کہ وہ ممنوع تصویر کے حکم میں نہیں ہے۔ لیکن ہماری رائے میں ویڈیو خواہ کسی بھی ذریعے سے بنائی جائے وہ تصویر ہی ہے اور اس کا بنانا جائز نہیں۔

ویڈیو میں اگر نامحرم کی تصویر ہو تو اس کو دیکھنا ناجائز ہے اور اگر نامحرم کی نہ ہو تب بھی کسی جاندار کی تصویر چونکہ ناجائز ہے، اس لیے اس کو دیکھنا بھی ناجائز ہے۔ البتہ بعض حضرات اس دوسری شق کو جائز کہتے ہیں لیکن احتیاط ہی بہتر ہے۔ فقط واللہ تعالیٰ اعلم