مسجد نبوی میں 40 نمازیں تسلسل سے پڑھنے کا حکم

استفتاء

مسجد نبوی شریف میں 40 نمازوں کی جو فضیلت وارد ہوئی ہے یہ نمازیں تسلسل سے ادا کرنی ہیں یا 10 سے  12 دنوں میں بھی پوری کرنے پر یہ فضیلت حاصل کی جاسکتی ہے؟

الجواب :بسم اللہ حامداًومصلیاً

مذکورہ فضیلت تسلسل کے ساتھ نمازیں ادا کرنے پر ہے۔

الترغیب والترہیب(2/139) میں ہے:

وعن أنس بن مالك رضي الله عنه عن النبي صلى الله عليه وسلم قال من صلى في مسجدي أربعين صلاة لا تفوته صلاة كتبت له براءة من النار وبراءة من العذاب وبرئ ‌من ‌النفاق

الفقہ الاسلامی وادلتہ(3/2397) میں ہے:

من صلى في مسجدي أربعين صلاة لا تفوته صلاة كتبت له براءة من النار ونجاة يوم القيامة

فتاویٰ محمودیہ(10/441) میں ہے:

سوال: آیا مسجد نبوی میں 40 وقت کی نمازیں تواتر کے ساتھ ضروری ہیں یا نہیں؟ اگر کسی سبب سے تواتر ختم ہوگیا تو پھر سے پوری کرنا ضروری ہے یا نہیں؟

جواب: چالیس نمازیں ادا کرنے پر جو وعدہ ہے وہ مسلسل پر ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم