مشکوٰ ۃ کی وہ احادیث جو بخاری کی طرف منسوب ہوں کیا وہ بخاری میں ہوتی ہیں؟

استفتاء

وعن عبد الله بن عباس قال : قال رسول الله صلى الله عليه وسلم : ” إن النار لا يعذب بها إلا الله “. رواه البخاري (بحوالہ مشکوٰۃ)

(1)ايك  سوال ہے کہ کیا مشکوٰۃ المصابیح میں جن  احادیث کے آگے رواہ البخاری  ذکر ہے وہ صحیح بخاری  میں یقینا ً مو جود ہوتی ہیں  یانہیں  ؟

(2)اگر ہوتی ہیں  تو کیا مذکورہ حدیث بھی بخاری میں موجود  ہے؟

الجواب :بسم اللہ حامداًومصلیاً

(1)مشکوٰۃ  المصابیح میں جن احادیث  کے آگے  رواہ البخاری  ذکر ہے  وہ صحیح بخاری میں  موجود ہوتی ہیں البتہ  الفاظ میں کوئی معمولی  فرق ہو تو ایسا   ہوسکتا ہے جس کی ایک ممکنہ وجہ نسخوں کافرق ہوسکتا ہے۔

(2 )مذکورہ حدیث  بخاری میں موجود ہے  البتہ اتنا فرق ہے  کہ بخاری میں اس کا راوی حضرت ابوہریرہ رضی اللہ عنہ ہے جبکہ مشکوٰۃ المصابیح   میں  اس کاراوی حضرت  ابن عباس رضی اللہ عنہ  مذکور ہے  ، مشکوٰ ۃ المصابیح  میں   راویوں  کاتذکرہ صاحب مشکوٰۃ نے کیا ہے لہٰذا  عین  ممکن ہےکہ  ان سے راوی کے ذکر کرنے میں سہو  ہوگیا ہو۔

صحيح البخاری (رقم الحدیث ،3016 )میں ہے:

 حدثنا قتيبة بن سعيد حدثنا الليث عن بكير عن سليمان بن يسار عن أبي هريرة رضي الله عنه أنه قال بعثنا رسول الله صلى الله عليه وسلم في بعث فقال إن وجدتم فلانا وفلانا فأحرقوهما بالنار ثم قال رسول الله صلى الله عليه وسلم حين أردنا الخروج إني أمرتكم أن تحرقوا فلانا وفلانا وإن النار لا يعذب بها إلا الله فإن وجدتموهما فاقتلوهما

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم