معراج سے متعلق حدیث کی تحقیق

استفتاء

سوال یہ ہے کہ جب آپ صلی اللہ علیہ وسلم معراج پر گئے تھے حدیث میں آتا ہے کہ جب  آپﷺ  واپس آئے تھے ان کا بستر بھی اسی طرح ہی گرم تھا اور دروازے کی کنڈی بھی ہل رہی تھی تو یہ صحیح حدیث ہے ؟

الجواب :بسم اللہ حامداًومصلیاً

مذکورہ بات کے متعلق ہمیں کوئی حدیث نہیں ملی، البتہ” روح المعانی “اور “نزہۃ المجالس ” میں اتنی بات ملتی ہے کہ جب آپ علیہ الصلوۃ والسلام واپس تشریف لائے تو بستر گرم تھا تاہم ان دو کتابوں میں یہ بات بغیر سند کے مذکور ہے اور ہمیں باوجود تلاش کے بھی اس بات کی کوئی سند نہیں ملی لہذا جب تک اس کی کوئی سند نہ ملے اس پر کوئی حکم لگانا مشکل ہے۔

روح المعانی (8/13) میں ہے:

وفي بعض الآثار أنه صلّى الله عليه وسلّم ‌لما ‌رجع ‌وجد فراشه لم يبرد من أثر النوم

نزہۃ المجالس (2/124) میں ہے:

فلما رجع النبي صلى الله عليه وسلم ‌وجد ‌فراشه لم يبرد من أثر النوم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم