ذوالحجہ کے روزے کی اہمیت

استفتاء

مجھے ذوالحجہ کے روزے کی تفصیل چاہیے؟

وضاحت مطلوب ہے: کس حوالے سے تفصیل چاہیے۔

جواب وضاحت: روزوں کی اہمیت کے حوالے سے۔

الجواب :بسم اللہ حامداًومصلیاً

شعب الایمان للبیہقی (رقم الحدیث: 3480) میں ہے:

عن أبى هريرة رضى الله تعالى عنه قال: قال رسول الله صلى الله عليه وسلم ما من أيام من أيام الدنيا أحب إلى الله أن يتعبد له فيها من أيام العشر يعدل صيام كل يوم منها بصيام سنة وقيام كل ليلة بقيام ليلة القدر.

ترجمہ: حضرت ابو ہریرہ رضی اللہ عنہ سے روایت ہے کہ رسول اللہﷺ نے ارشاد فرمایا: کہ اللہ تعالی کو تمام دنوں سے زیادہ عشرہ ذی الحجہ کے دنوں میں اپنی عبادت محبوب ہے اور اس عشرہ میں ایک دن کا  روزہ ایک سال کے روزوں کے برابر اور ایک رات کا قیام شب قدر کے قیام کے برابر ہے۔

تفسیر طبری (24/398) میں ہے:

عن الضحاك (وليال عشر والشفع والوتر) قال: أقسم الله بهن لما يعلم من فضلهن على سائر الأيام، ‌وخير ‌هذين ‌اليومين لما يعلم من فضلهما على سائر هذه الليالي

سنن ترمذی (2/284) میں ہے:

عن ابن عباس قال: قال رسول الله صلى الله عليه وسلم: «‌ما ‌من ‌أيام ‌العمل الصالح فيهن أحب إلى الله من هذه الأيام العشر»، فقالوا: يا رسول الله، ولا الجهاد في سبيل الله؟ فقال رسول الله صلى الله عليه وسلم: «ولا الجهاد في سبيل الله، إلا رجل خرج بنفسه وماله فلم يرجع من ذلك بشيء

ترجمہ: حضرت ابن عباسؓ سے روایت ہے کہ آپ ﷺ نے فرمایا کہ ذوالحجہ کے پہلے دس دنوں کے اعمال صالحہ اللہ تعالیٰ کو تمام دنوں میں  کیے گئے نیک اعمال سے زیادہ پسند ہیں  تو صحابہ کرامؓ نے عرض کیا: اے اللہ کے رسول! اور نہ ہی اللہ کے راستے میں جہاد ( اس کے برابر ہے)؟ اللہ کے رسول ﷺ نے فرمایا: اور نہ ہی اللہ کے راستے میں جہاد (کا ثواب) ان دس دنوں کے ثواب کے برابر ہے، سوائے اس آدمی کے جو اپنے مال اور جان کیساتھ نکلا تو وہ ان میں سے کسی چیز کے ساتھ نہ لوٹا (تو وہ اس سے افضل ہے)

سنن ترمذی (6/277) میں ہے:

عن أبي قتادة، أن النبي صلى الله عليه وسلم قال: «صيام يوم عرفة، إني أحتسب على الله ‌أن ‌يكفر ‌السنة التي قبله والسنة التي بعده»

عن أبي هريرة، عن النبي صلى الله عليه وسلم قال: «ما من أيام أحب إلى الله أن يتعبد له فيها من عشر ذي الحجة، ‌يعدل ‌صيام كل يوم منها بصيام سنة، وقيام كل ليلة منها بقيام ليلة القدر»

ترجمہ: حضرت ابوہریرہؓ سے مروی ہے کہ نبی کریمﷺ نے ارشاد فرمایا: اللہ تعالیٰ کو دنیا کے دنوں میں سے سب سے زیادہ جن دنوں میں عبادت پسند ہے وہ ذوالحجہ کے دس  دن ہیں، ان میں سے ہر دن کا روزہ پورے سال کے روزوں کے برابر ہے اور ان میں سے ہر رات کا قیام شب قدر کے قیام کے برابر ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم