نمازیوں کا مسجد میں کرسیوں کے لیے جگہ متعین کرنا

استفتاء

ہمارے محلے کی مسجد میں جو کے ماشاء اللہ کافی بڑی ہے ، میں کچھ نمازی حضرات خاص طور پر بزرگ نمازی جو کرسی پر نماز پڑھتے ہیں، نے اپنی جگہ مخصوص کر رکھی ہے، پہلی صف  کے بائیں اور دائیں جانب جو جہاں بیٹھتا ہے، اپنے ساتھ چار پانچ کرسیاں اور بھی جوڑ لیتا ہے پہلی صف میں، تاکہ ان کے آنے والے دوستوں کی جگہ پر کوئی اور نہ بیٹھ جائے اور بیٹھتے بھی درمیان میں ہیں، اس کے بارے میں کیا حکم ہے؟

محمد فیصل محمود

الجواب :بسم اللہ حامداًومصلیاً

مسجد میں سب کا حق برابر کا ہے، لہٰذا جو نمازی ابھی آئے ہی نہ ہوں ان کے لیے اس طریقے سے جگہ روکنا جائز نہیں ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم