سوتیلی دادی کی رضاعی بیٹی سے نکاح کا حکم

استفتاء

فاطمہ نے اپنی نانی زینب کا دودھ پیا اور زینب خالد کے  دادا کی منکوحہ ہے یعنی خالد کی سوتیلی دادی ،کیا خالد اور فاطمہ کا نکاح ہوسکتا ہے؟اگر بوقت ارتصاع فاطمہ، زینب خالد کے دادا کی منکوحہ ہے تب تو غالباً نکاح جائز نہیں اگر نکاح بعد میں ہوا خالد کے دادا سے تب کیا حکم ہے؟

الجواب :بسم اللہ حامداًومصلیاً

مذكوره صورت میں خالد کا نکاح فاطمہ سے درست ہے۔

توجیہ:مذکورہ صورت میں فاطمہ خالد کے دادا کی رضاعی بیٹی نہیں کیونکہ فاطمہ نے جو دودھ پیا وہ خالد کے دادا کی وجہ سے نہیں اترا  بلکہ سابقہ شوہر کی وجہ سے تھا لہذا فاطمہ زینب کے سابقہ شوہر  کی  رضاعی بیٹی ہے۔

البحر الرائق (3/173)میں ہے:

ولا بأس أن يتزوج الرجل امرأة ويتزوج ابنه أمها أو بنتها لأنه لا مانع وقد تزوج محمد بن الحنفية امرأة وزوج ابنه بنتها.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم