• جامعة دارالتقوی لاہور، پاکستان
  • دارالافتاء اوقات : ٹیلی فون صبح 08:00 تا عشاء / بالمشافہ و واٹس ایپ 08:00 تا عصر
  • رابطہ: 3082-411-300 (92)+
  • ای میل دارالافتاء:

محمد رسول نام رکھنا کیسا ہے؟

استفتاء

میرا سوال یہ ہے کہ محمد رسول نام رکھنا کیسا ہے؟ اس میں شرعی کوئی قباحت تو نہیں ہے؟

الجواب :بسم اللہ حامداًومصلیاً

محمد رسول نام رکھنا درست نہیں، لہٰذا   صرف  محمد نام رکھا جائے یا کوئی اور نام رکھا جائے۔

فتاویٰ محمودیہ (19/382) میں ہے:

سوال : کسی کا نام 1۔عبدالحبیب،  2۔ یا غلام نبی،  3۔ یا غلام مصطفی،  4۔ یا عبدالنبی، 5۔ یا عبدالرسول، 6۔ یا محمد رسول، 7۔ یا شیخ محمد، 8 یا صرف محمد، 9 یا صرف احمد یا رب الدین وغیرہ اس قسم کے نام شرعاً رکھنا کیسا ہے؟۔۔۔۔۔۔۔۔ الخ

جواب: ان میں 9،8،7،3،2نام درست ہیں باقی نام رکھنا مکروہ ہے۔۔۔۔۔۔ الخ

فتاوی محمودیہ(19/379) میں ہے:

سوال: کسی بچے کا نام ” محمد رسول اللہ” "موسیٰ کلیم اللہ” یا "حضرت رسول اللہ”  رکھنا جائز ہے یا نہیں؟

جواب: "محمد، موسیٰ، کلیم اللہ "جدا گانہ تینوں نام رکھنا درست ہے۔ "رسول اللہ، محمد رسول اللہ، موسیٰ کلیم اللہ” نام نہ رکھے جائیں۔

فتاوی دارالعلوم دیوبند(16/351) میں ہے:

سوال: محمد نبی، احمد نبی، عبد النبی یہ نام رکھنے جائز ہیں یا نہیں؟

جواب: یہ نام رکھنا اچھا نہیں ہے، محمد احمد بلا وصف نبی کے نام رکھنا چاہیے، یا عبداللہ، عبدالرحمٰن، عبدالرحیم وغیرہ اسماء رکھنے چاہئیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم

Share This:

© Copyright 2024, All Rights Reserved