گھر میں حفاظت کے لیے کتا رکھنے کی صورت میں رحمت کے فرشتے آتے ہیں یا نہیں؟

استفتاء

آپ سے حفاظت کے لیے گھر میں کتا رکھنے کے بارے میں سوال پوچھا تھا جس کا جواب  موصول ہو گیا ہے۔ مزید وضاحت کر دیں کہ اگر گھر میں حفاظت کیلئے کتا رکھا ہو تو پھر رحمت کے فرشتے گھر میں داخل ہوتے ہیں یا نہیں؟

الجواب :بسم اللہ حامداًومصلیاً

جس کتے کے رکھنے کی شریعت میں اجازت ہے وہ کتا رحمت کے فرشتوں کے داخل ہونے میں رکاوٹ نہیں۔

طحطاوی علی مراقی الفلاح(ص:365)میں ہے:“وفي شرح المشكاة لملا علي نقلا عن الخطابي وابن الملك أنها لا تدخل بيتا فيه كلب أو صورة مما ‌يحرم ‌اقتناؤه من الكلاب والصور وأما ما ليس بحرام من كلب الصيد والزرع والماشية ومن الصور التي تمتهن في البساط والوسادة وغيرهما فلا يمنع دخول الملائكة بيته وهذا لا ينافي تحريم التصوير اهـ”بذل المجہود(17/34)میں ہے:“(ولا ‌كلب) والمراد منه ما يحرم اقتناؤه، وأما ما لا يحرم من ‌كلب الصيد، والزرع، والماشية، فلا يمنع دخول الملائكة.”فہم حدیث (1/174)میں ہے:“حضرت ابوطلحہ کہتے ہیں نبی کریم ﷺ نے فرمایا:(رحمت کے)فرشتے اس گھر میں داخل نہیں ہوتےجس میں(بلا وجہ)کتا ہو اور تصویریں ہوں۔”۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم