مریض کا ٹیسٹ کہیں اور سے کرواکے اپنے لیٹر ہیڈ پر لکھنا

استفتاء

بعض خاص ٹیسٹ جن کی ہمارے ہاں سہولت موجود نہیں ان کے لیے ہارمون لیبارٹری سے کارڈیکس کلینک کا زبانی معاہدہ طے ہے چونکہ کارڈیکس کلینک ان کو اچھا خاصا نزنس دیتا ہے اس لیے ہارمون لیبارٹری والے ان کو اپنی ریٹ لسٹ پر 30% ڈسکاؤنٹ دیتے ہیں۔ پھر ان کے دیئے گئے رزلٹ کو کارڈیکس کلینک اپنے لیٹر ہیڈ پر پرنٹ کر کے مریض کو دے دیتا ہے ۔ اکثر یہ بات مریض کے علم لائی جاتی ہے لیکن ہمیشہ نہیں، اور رپورٹ پر یہ چیز تحریر کرنا کہ آپ کے مثلاً تین میں سے یہ ٹیسٹ کسی دوسری لیبارٹری سےکروایا گیا ہے فنی اعتبار سے انتہائی عجیب ہے۔ ہارمون لیبارٹری کو ادائیگی بذریعہ چیک کرتے ہیں۔ اور سرکاری قواعد و ضوابط کے مطابق ان کا ٹیکس کا ٹ کر جمع کروا کے اس کا چالان بھی ان کو بھجواتے ہیں۔ مذکورہ  طریقہ کار جائز ہے؟

الجواب :بسم اللہ حامداًومصلیاً

یہ طریقہ کار جائز ہے۔

مریض کو بتانے کا کیا فائدہ ہے؟ کلینک ایک ٹیست کر کے  یا کرواکے دیتا ہے۔ ذمہ داری قبول کرتا ہے۔ اور مارکیٹ ریٹ سے زیادہ وصول نہیں کیا جاتا، پھر کیا حرج ہے؟ اتنا کافی ہے کہ اس لیبارٹری پر ٹیسٹ صحیح طریقے سے کرنے کا اعتماد ہو۔ فقط واللہ تعالیٰ اعلم