- فتوی نمبر: 23-316
- تاریخ: 23 اپریل 2024
- عنوانات: عبادات > نماز > سجدہ سہو کا بیان
استفتاء
مفتی صاحب!نماز میں ہوا خارج ہونے کو کس حدتک روکا جاسکتا ہے کہ وضونہ ٹوٹے اور نماز ہوجائے ۔بعض اوقات بہت زور لگا کر ہوا روکنی پڑتی ہے۔
وضاحت مطلوب ہے : سائل مستقل بیمارہے یا کبھی کبھار ایسا ہوجاتا ہے ؟
جواب وضاحت :ہر نماز میں ایسا نہیں ہوتا کبھی کبھار ہوجاتا ہے۔
الجواب :بسم اللہ حامداًومصلیاً
اگر ہوا خارج ہونے کا تشدید تقاضہ ہو تواسے بامشقت روک کر نماز مکمل کرنا مکروہِ تحریمی ہےلہذا نماز سےپہلے اپنے آپ کو مکمل فارغ کر کے اطمینان سے نماز پڑھیں ۔البتہ اگر نماز قضا ہو رہی ہو تو نماز قضا کرنے کی بجائے ہوا کوقا بو کرکے نماز مکمل کرنا بہتر ہے۔
فتاوی ہندیہ (1/231) میں ہے
"ويكره التمطي وتغميض عينيه وأن يدخل في الصلاة وهو يدافع الأخبثين وإن شغله قطعها وكذا الريح وإن مضى عليها أجزأه وقد أساء ولو ضاق الوقت بحيث لو اشتغل بالوضوء يفوته يصلي لأن الأداء مع الكراهة أولى من القضاء”
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved