فرض نماز کے بعد اونچی آواز سے تکبیر  کہنے کا حکم

استفتاء

فرض نماز کے بعد عام طور پر اونچی آوز  میں تکبیر کہنے کا جو مساجد میں رواج ہے اس کا کیا حکم ہے ؟

الجواب :بسم اللہ حامداًومصلیاً

فرض نماز کے بعد قدرے بلند آواز سے ایک مرتبہ ’’اللہ اکبر‘‘  کہنا رسولِ اکرم صلی اللہ علیہ وسلم اور حضرات  صحابہ   کرام رضی اللہ  عنھم  اجمعین سے ثابت ہے،لیکن اسے اتنی اونچی آواز سے نہ کہا جائے جو دوسروں کیلئے باعث تشویش ہو۔

بخاری شریف (1/116) میں ہے:

(1): عن ابن عباس رضي الله عنهما قال: كنت أعرف انقضاء صلاة النبي صلى الله عليه وسلم بالتكبير. 

لمعات التنقیح (3/191) میں ہے:

"وقيل :كانوا يقولون :الله اكبر مرة اور ثلاثابعد الصلاة”۔

التقريرالرفيع للشيخ محمد زكريا(2/140) میں ہے:

"ثم المراد : التكبير بعدالصلاة مرة ،وكانوا يقولون”

حاشیہ نسائی شریف (1/196) میں ہے:

"وقيل: كانوا يقولون :الله اكبر مرة اوثلاثا بعد الصلاة”

مظاہر حق شرح مشکوۃ المصابیح(ص620) میں ہے:

کچھ محققین   کی رائے یہ ہے کہ آنحضرت ﷺ کے زمانہ میں  نماز کے بعد ایک بار یا تین بار تکبیر کہی جاتی تھی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم