لپ گلوس لگا کر وضو کا حکم

استفتاء

کیا لپ گلوس[1]لگا کر وضو ہوجاتاہے ؟

الجواب :بسم اللہ حامداًومصلیاً

ہم نے اپنے دارالافتاء میں لپ گلوس کے بارے میں تجربہ کیا کہ  کیا یہ پانی کے  دوسری جانب سرایت   کرنےسے مانع ہے یا نہیں ؟ چنانچہ ہم نے اس کو ٹشوپیپر پر لگا کر  خشک ہونے  دیا پھر اوپر ایک دو قطرے پانی  ڈالا تو معلوم ہو اکہ ا س سے پانی فوراً تو اگر چہ سرایت نہیں کرتا لیکن ایک آدھ منٹ میں دوسری جانب  سرایت کرجاتا ہے   اس لیے لپ گلوس لگے ہونے کی صورت میں وضو  کرتے ہو ئے اگراتنا پانی   ڈالا جائےکہ پانی کے  کھا ل تک پہنچنے  کی تسلی ہوجائےتو وضو ہوجائے گا۔

الدرالمختار(1/154) میں ہے:

(ولا يمنع)  الطهارة  (ونيم ) اي خرأ ذباب وبرغوث لم يصل الماء تحته (وحناء)ولوجرمه به يفتى ۔

شامی  میں ہے :

قوله (به يفتي ) صرح به في المنية عن الذخيرة في مسألة الحناء والطين والدرن معللا بالضرورة

 قال في شرحها ولأ ن الماء ينفذه لتخلله وعدم لزوجته وصلابته والمعتبر في جميع ذالك نفوذ الماء ووصوله الي البدن ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقد واللہ تعالیٰ اعلم

[1] ۔ لپ اسٹک کی ایک قسم لپ گلوس ہے جو ہونٹوں پر لپ اسٹک   کی طرح ہی لگا ئی  جاتی ہے بس فرق یہ ہے کہ لپ اسٹک گاڑھی اور ٹھوس ہو تی ہے جبکہ لپ گلوس مائع ہوتی ہے جبکہ واٹر پروف لپ اسٹک   اور واٹر پروف لپ گلوز  ایک ہی چیز کا نام ہے ۔