نماز کاانکار کرنے والے شخص کاحکم

استفتاء

السلام علیکم ورحمۃ اللہ وبرکاتہ

ایک آدمی مریض ہے اس کو نشہ وغیرہ کی دوائیں دی گئی تھیں جس کی وجہ سے مریض غنودگی  کی کیفیت میں تھا دوسرے شخص نے مریض کو کہا کہ ادھر پڑے رہتے ہو نماز کا وقت ہے اٹھو نماز پڑھو مریض نے انکار کیا کہ نہیں پڑھتا اس نے دوبارہ کہا مریض نے پھر انکار کیا کہ نہیں پڑھتا بعد میں اٹھ کر پڑھ لی اب ان دونوں کے لیے کیا حکم ہے؟

الجواب :بسم اللہ حامداًومصلیاً

دونوں کا طریقہ غلط تھا کہنے والے کو موقع محل کی رعایت رکھنی چاہیے تھی اور مریض کو بھی انکار نہیں کرنا چاہیے تھا بلکہ کہہ دیتا کہ اچھا پڑھتا ہوں ۔لہذا دونوں اپنی اپنی غلطی پر توبہ واستغفار کریں اور آئندہ خیال رکھیں۔