بیوی کی کمائی پر شوہر کا حق نہیں

استفتاء

بیوی کی کمائی اور جائیداد پر شوہر کا کیا حق ہے؟بیوی اگر کماتی ہے تو بیوی کی ضروریات پوری کرنا اس کی اپنی ذمہ داری ہے یا شوہر کی؟شرعی حکم کیا ہے؟

وضاحت مطلوب ہے کہ سوال واضح کریں کہ بیوی کی کمائی کی صورت کیا ہے؟ کیا بیوی الگ سے کام کرتی ہے؟ یا شوہر کے ساتھ تعاون کرتی ہے؟

جواب وضاحت:پہلے شوہر کے کام میں ہاتھ بٹاتی تھی ،اب کچھ سالوں سےکسی کلینک پرنرسنگ کا کام کرتی ہے۔

الجواب :بسم اللہ حامداًومصلیاً

بیوی کی کمائی پر شوہر کا کوئی حق نہیں، بیوی اگر کماتی بھی ہو تو بیوی کی ضروریات پوری کرنا شوہر کی ذمہ داری ہے،لیکن ضروریات سے ہر قسم کی ضروریات مراد نہیں بلکہ صرف نان نفقہ،رہائش اور ضروری کپڑے مراد ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم