میت کو دفن کرنے کے بعد اس کی قبر کے پاس قرآن پڑھنا

استفتاء

جب بندہ دنیا سے گزر جائے تو دفن کرنے کے بعد ان کے قریبوں میں سے کچھ لوگ قبر کے پاس بیٹھ کر گھنٹہ آدھا گھنٹہ تلاوت قرآن پاک کرتے ہیں ان کا کہنا ہے کہ میت کے حساب کتاب ہوتے  وقت قبر کے اوپر قریبی رشتہ دار کا ہونا ضروری ہے۔ شریعت کی اس مسئلے میں کیا رائے ہے؟

الجواب :بسم اللہ حامداًومصلیاً

تدفین کے بعدقبر کے پاس میت کیلئے دعائے مغفرت کرنا اور قرآن پاک پڑھنا مستحب ہے، تاہم اس عمل کے لیے قریبی رشتہ داروں کا ہونا ضروری نہیں۔

سنن ابی داؤد(رقم الحدیث:3221) میں ہے:

«عن عثمان بن عفان، قال: كان النبي -صلى الله عليه وسلم- إذا فرغ من دفن الميت وقف عليه فقال: "استغفروا ‌لأخيكم وسلوا له بالتثبيت؛ فإنه الآن يسأل”»

فتاویٰ ہندیہ(1/349) میں ہے:

ويستحب إذا دفن الميت أن ‌يجلسوا ‌ساعة عند القبر بعد الفراغ بقدر ما ينحر جزور ويقسم لحمها يتلون القرآن ويدعون للميت كذا في الجوهرة النيرة

درمختار مع ردالمحتار(2/143):

ويستحب حثيه من قبل رأسه ثلاثاوجلوس ساعة بعد دفنه لدعاء وقراءة بقدر ما ينحر الجزور ويفرق لحمه

(قوله: وجلوس إلخ) لما في سنن أبي داود «كان النبي – صلى الله عليه وسلم – إذا فرغ من دفن الميت وقف على قبره وقال: استغفروا لأخيكم واسألوا الله له التثبيت فإنه الآن يسأل» وكان ابن عمر يستحب أن يقرأ على القبر بعد الدفن أول سورة البقرة وخاتمتها. وروي أن عمرو بن العاص قال وهو في سياق الموت: إذا أنا مت فلا تصحبني نائحة ولا نار، فإذا دفنتموني فشنوا علي التراب شنا، ثم أقيموا حول قبري قدر ما ينحر جزور، ويقسم لحمها حتى أستأنس بكم وأنظر ماذا أراجع رسل ربي جوهرة

مسائل بہشتی زیور(1/333)میں ہے:

’’دفن کے بعد تھوڑی دیر تک قبر پر ٹھہرنا اور میت کے لیے قبلہ رخ کھڑے ہو کر اورہاتھ اٹھا کر دعائے مغفرت کرنا یا قرآن مجید پڑھ کر اس کا ثواب اس کو پہنچانا مستحب ہے۔ اسی طرح قبر کے سرہانے سورہ بقرہ کی ابتدائی آیات اور پائنتی کی طرف سورہ بقرہ کی آخری آیات پڑھنا مستحب ہے لیکن یہ پڑھتے ہوئے قبر پر انگلی نہ رکھی جائے۔‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم