• جامعة دارالتقوی لاہور، پاکستان
  • دارالافتاء اوقات : ٹیلی فون صبح 08:00 تا عشاء / بالمشافہ و واٹس ایپ 08:00 تا عصر
  • رابطہ: 3082-411-300 (92)+
  • ای میل دارالافتاء:

مذکورہ فتویٰ 7/ 63 سے متعلق دوبارہ استفسار

استفتاء

ایک آدمی مثلاً ***  کا رہنے والا ہے اور وہ ملازمت کے سلسلے میں *** رہائش پذیر ہے۔ (*** سے *** تک کا سفر اتنا بنتا ہے جس سے آدمی مسافر بن جاتا ہے) ***کی روٹین یہ ہے کہ وہ ہر دوسری اتوار کو اپنے گھر *** جاتا ہے (اس کی یہ صورت ہے کہ وہ پیر کو گھر سے آتا ہے اور آمد کے تیرہویں دن ہفتہ کی شام کو دوبارہ *** چلا جاتا ہے)۔ جس دن *** آتا ہے تو اس دن پندرہ دن ٹھہرنے کی نیت بھی نہیں ہوتی۔ *** میں رہائش سے اعتبار سے چند چیزیں گوش گذار کرنا چاہتا ہوں وہ یہ کہ

1۔ ***دو دفعہ  *** میں کم از کم پندرہ دن کا قیام بھی کر چکا ہے اور اس وقت اس کی پندرہ دن قیام کی بھی نیت تھی۔

2۔ *** میں رہائشی سیٹ اپ میں کمپنی کی طرف سے ملازمین کو ایک بڑا ہال دیا گیا ہے جس میں تقریباً 25 افراد قیام کرتے ہیں، اس ہال کی ٹوٹل تین چار چابیاں ہیں جن میں ایک چابی ***کے پاس بھی ہے۔ باقی چابیاں دوسرے ساتھیوں کے پاس ہیں، ***کے پاس کپڑے اور بستر وغیرہ ہیں، سامان رکھنے کے لیے الگ سے کوئی الماری نہیں بلکہ سب اپنے اپنے بیگوں میں کپڑے رکھتے ہیں، ***کا مستقبل میں *** سے جانے کا ارادہ تو ہے لیکن کب جانا ہے یہ طے نہیں۔

سوال طلب بات یہ ہے کہ کیا اس صورت میں ***مسافر بن جاتا ہے یا پھر وہ مقیم کے حکم میں ہے؟

یہ بھی واضح کر دیں کہ اگر ***مسافر ہے اور اس کی روٹین وہی ہے جو اوپر مذکور ہے تو اگر وہ *** میں قیام کے دوران اقامت کی نیت کرتا ہے تو کیا وہ مقیم بن جائے گا یا پھر وہ مسافر ہی رہے گا؟

نوٹ: پندرہ دن اقامت چابی ملنے کے بعد کی ہے۔

الجواب :بسم اللہ حامداًومصلیاً

2-1۔ مذکورہ صورت میں ***جب *** سے *** آئے گا تو *** آتے ہی وہ مقیم ہو جائے گا۔ خواہ پندرہ دن قیام کی نیت ہو یا نہ ہو۔

كوطن الإقامة يبقی ببقاء الثقل و إن أقام بموضع آخر. (البحر الرائق: 2/ 148)

"اگر کوئی شخص وطن اقامت میں اپنی رہائش کے لیے کمرہ یا مکان لے لے جس میں وہ اپنا سامان رکھے پھر کبھی سامان

وغیرہ کو تالہ لگا کر سفر شرعی پر نکل جائے خواہ اپنے وطن اصلی چلا جائے یا کسی اور شہر چلا جائے لیکن اس کی نیت اپنے اس وطن اقامت میں واپس آنے کی ہے ۔۔۔۔ تو یہ واپس آ کر پوری نماز پڑھے گا۔” (مسائل بہشتی زیور: 1/ 256)

Share This:

© Copyright 2024, All Rights Reserved