- رابطہ: 3082-411-300 (92)+
- ای میل: ifta4u@yahoo.com
- فتوی نمبر: 21-22
- تاریخ: اگست 15, 2024
- عنوانات: مالی معاملات, وراثت کا بیان
استفتاء
السلام علیکم ورحمۃ اللہ وبرکاتہ
مفتی صاحب میں ایک مسئلہ پوچھنا چاہتا ہوں کہ میرے رشتے میں دادا جان کا ایک گھر ہے پہلے دادا جان کا انتقال ہوا اس وقت ان کے ورثاء میں ان کی بیوی دو بیٹے تین بیٹیاں تھیں دادا کے بعد ان کی بیوی کا انتقال ہوا اور اس وقت بھی ان کے ورثاء میں دو بیٹے تین بیٹیاں تھی دادا دادی کے والدین ان سے پہلے ہی فوت ہوگئے تھے پھر چھوٹا بیٹا فوت ہوا ان کے ورثاء میں اس کی بیوی تین بیٹے دو بیٹیاں حیات ہیں پھر بڑے بیٹے کا انتقال ہوا انتقال کے وقت ان کی بیوی حیات تھی اور ورثاء میں چار بیٹیاں تین بہنیں تھیں اب بڑے بھائی کی بیوی فوت ہوئی ہیں ان کے ورثاء میں چار بیٹیاں ایک سوتیلا باپ شریک بھائی دو سوتیلی بہنیں اور سوتیلی والدہ حیات ہیں جبکہ والد حقیقی والدہ اور دو سوتیلے بھائی ان سے پہلے فوت ہوئے تھے مرحومہ کے حقیقی بہن بھائی نہیں تھے یہ اکلوتی تھیں اس وقت دادا کے دو بیٹے اور دادی یعنی بیوہ انتقال ہو چکا ہے ان دونوں بیٹوں میں سے ایک کی بیوہ موجود ہے اور دونوں بھائیوں کی اولاد اور تینوں بیٹیاں اور ان کی اولاد موجود ہے
1-سوال یہ ہے کہ بڑے بیٹے کی بیوہ بھی فوت ہو گئی ہے ان کی صرف چار بیٹیاں ہیں چونکہ دادا کے مکان میں ان کی پھوپھیوں کا بھی حصہ ہے یہ بیٹیاں اپنے حصے میں پھوپھیوں کا جتنا حصہ بنتا ہے دینا چاہتی ہیں تو ان پر اس کی کیا ذمہ داری ہے گھر میں تین ورشن ہیں دوسری منزل میں چھوٹے بھائی کی بیوہ اور بچے رہتے ہیں تیسری منزل میںبیوہ رہتی تھیں جو کہ بڑے بیٹے کی بیوی تھیں اب صرف تیسری منزل جو چار بیٹیوں کی ملکیت میں ہے اس کی وراثت کا مسئلہ بتا دیں
2-بڑے بھائی کی ملکیت میں ایک دکان ہے اس کا عدالت سے فیصلہ ہو چکا ہے کہ وہ چار بیٹیوں اور بیوہ کے نام پر ہے ان کے بھتیجے نے عدالت میں تحریری طور پر اجازت دی ہے کہ ہم اپنا حصہ ان چار بہنوں اور تائی یعنی بڑے بھائی کی بیوہ کے نام پر کرتے ہیں اس دکان کو بڑے بھائی نے خود خریدا تھا اور اس میں جو مشین ہیں وہ بھی بھائی نے خود خریدی تھیں اس میں کسی کا حصہ بھی شامل نہیں کیا
تنویر احمد/
الجواب :بسم اللہ حامداًومصلیاً
۱۔مذکورہ صورت میں پھوپھیوں کا اس مکان میں دو طرح سے حصہ بنتا ہے ایک حصہ اپنے والد کی طرف سے دوسرا حصہ بڑے بھائی کی طرف سے مذکورہ مکان میں پھوپھیوں کا والد کی طرف سے کتنا حصہ ہے؟ اور اس میں سے بھتیجیوں کے ذمہ کتنا حصہ دینا بنتا ہے؟
اس کا طریقہ یہ ہے کہ پورے مکان میں بڑے بیٹے کا حصہ28.571 فیصد ہے اور تینوں بیٹیوں(پھوپھیوں) میں سے ہر ایک کا14.285 فیصد ہے. لہذا پہلے کل مکان کی قیمت لگوائی جائے پھر بڑے بیٹے کی بیٹیوں (بھتیجیوں) کے پاس موجودہ پورشن کی قیمت لگوائی جائے۔ اگر موجودہ پورشن کی قیمت کل مکان کی قیمت کے28.571 فیصد حصہ سے زائد ہو تو بھتیجیوں کے ذمہ اپنی پھوپھیوں کو زائد قیمت دینا بنتا ہے اور اگر موجودہ پورشن کی قیمت کل مکان کی قیمت کے 28.571فیصد کے برابر یا اس سے کم ہو تو ان کے ذمہ اپنی پھوپھیوں کو کچھ دینا نہیں بنتا ۔
7 دادا
دوبیٹے تین بیٹیاں
2+2 1+1+1
28.571فیصد فی کس 14.2885فیصد فی کس
نوٹ: مذکورہ صورت میں اگرچہ دادا کے بعد ان کی بیوی فوت ہوئی ہے لیکن چونکہ ان کے بھی یہی دو بیٹے اور تین بیٹیاں وارث ہیں جو وارث آپ کے دادا کے تھے اس لئے الگ سے ان کے حصے کی تقسیم نہیں کی گئی۔
۲ ۔پھوپھیوں کو اپنے بھائی کی طرف سے ملنے والا حصہ بڑے بیٹے کے 28.571 فیصد حصہ میں سے ان کی ہر ایک بیٹی کا حصہ18.75فیصد ہے اور ان کی تین بہنوں میں سے ہر ایک بہن کا حصہ6.944 فیصد ہے اور (بچیوں کے) سوتیلے ماموں کا حصہ 2.083فیصد ہے اور دو سوتیلی خالاؤں میں سے ہر ایک کا حصہ1.041 فیصد ہے ۔
پورشن کی قیمت میں سے آپ کے والد کے حصے سے زائد کی ادائیگی کے بعد جو رقم باقی بچے اس میں سے یا اگر قیمت آپ کے والد کے حصے کے برابر یا اس سے کم ہو تو اس میں سے بھتیجیوں کے ذمہ اپنی پھوپھیوں کا6.944 فیصد اپنے سوتیلے ماموں کا2.083 فیصد اور دو سوتیلی خالاؤں میں سے ہر ایک کا 1.041فیصد حصہ بنتا ہے یہ حصے ان بھتیجیوں کے ذمہ ہے جسے دینا ضروری ہے ۔
صورت تقسیم درج ذیل ہے:
24×3=72×4=288 بڑابیٹا
بیوی 4بیٹیاں 3بہنیں 3بھتیجے 2بھتیجیاں
8/1 3/2 عصبہ محروم
3×3 16×3 5×3
9 48 15
9 12+12+12+12×4 5+5+5×4
48+48+48+48 20+20+20
3×4=12 4×3=36 بڑے بیٹے کی بیوی 9 3×4=36
4بیٹیاں ایک باپ شریک بھائی 2باپ شریک بہنیں سوتیلی والدہ
2/3 عصبہ محروم
2×4 1×4
8 4
2+2+2+2×3 2×3 1+1×3
6+6+6+6 6 3+3
الاحیاء
4بیٹیاں 3بہنیں بیوی کا باپ شریک بھائی 2باپ شریک بہنیں
54فی کس 2فی کس 6 3
18.75%فی کس 6.944%فی کس 2.083% 1.04%فی کس
2۔بڑے بیٹے کی ملکیت میں جو دوکان اور مشینیں ہیں ان کے شرعی وارث چار بیٹیاں تین بہنیں بیوی کا باپ شریک بھائی اور باپ شریک دو بہنیں ہیں دکان اور مشینوں میں ان کی ہر ایک بیٹی کا حصہ 18.75فیصد ہے اور ان کی 3 بہنوں میں سے ہر ایک بہن کا حصہ 6.944فیصد ہے اور (بچیوں کے) سوتیلے ماموں کا حصہ2.083 فیصد اور دو سوتیلی خالاؤں میں سے ہر ایک کا 1.041فیصد ہے صورت تقسیم وہی ہے جو اس سے اوپر مذکور ہے
نوٹ: بھتیجوں نے جو تحریری بیان دیا اور اپنا حصہ چاچا کی چار بیٹیوں اور ان کی بیوہ کے نام کیا اس کا کوئی مطلب نہیں اسلئے کہ مذکورہ صورت میں بھتیجے اپنے چاچا سے وارث ہی نہیں بنتے۔
شرعی وارث وہی ہیں جو لکھے گئے ہیں ان کو یا تو پورا پورا حصہ دیا جائے یا کچھ دے دلا کر راضی کیا جائے یا وہ اپنا حصہ میت کی بیٹیوں کو ہدیہ کردیں ورنہ اس کے بغیر ان کا حصہ دکان اور مشینوں میں سے ختم نہیں ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved