تقسیم میراث کی ایک صورت

استفتاء

السلام علیکم و رحمۃ اللہ و برکاتہ

1۔ محترم مفتی صاحب! وراثت سے متعلق ایک مسئلہ  پوچھنا ہے کہ میرے والد صاحب کا انتقال ہو گیا ہے، میرے دادا ابو اور ایک چچا زندہ ہے تو کیا جب ہمارے دادا فوت ہوں گے تو دادا کی میراث میں ہمارا حصہ ہو گا؟ اگر ہو گا تو کتنا حصہ ہو گا؟

2۔ دوسرا مسئلہ یہ ہے کہ میرے دادا ابو نے ایک گھر یا پلاٹ میرے والد صاحب کے نام پر کیا تھا۔ اب میرے والد صاحب انتقال کر گئے ہیں۔ دادا ابو اور چچا اور پھوپھی بھی زندہ ہے۔ تو والد صاحب کے اس پلاٹ  میں سے ہمیں کتنا حصہ ملے گا؟

برائے مہربانی جواب حوالہ جات کے ساتھ دیں۔

وضاحت مطلوب ہے:

1۔ سائل کے بہن بھائی کتنے ہیں؟

2۔ سائل کی والدہ حیات ہیں؟

3۔ دادا نے آپ کے والد کو اس گھر یا پلاٹ پر قبضہ بھی دیا تھا یا صرف نام ہی کروایا تھا؟

4۔ کیا آپ کی دادی زندہ ہیں؟

جواب وضاحت:

1۔ ایک بھائی اور دو بہنیں ہیں۔

2۔ سائل کی والدہ حیات ہے۔

3۔ ابو کا مکمل قبضہ تھا، دادا نے باقاعدہ طور پر ابو کے نام کیا تھا۔

4۔ جی نہیں، ان کا والد صاحب سے پہلے ہی انتقال ہو چکا ہے۔

سائل: حافظ احسان اللہ/ لکی مروت

الجواب :بسم اللہ حامداًومصلیاً

1۔ دادا ابو کے فوت ہونے کے وقت اگر آپ کے چچا حیات ہوں تو آپ بھائی بہنوں کا دادا کی میراث میں کچھ حصہ نہ ہو گا۔

2۔ آپ کے دادا نے جب پلاٹ یا مکان آپ کے والد صاحب کے نام کرا دیا تھا اور ان کے قبضے میں بھی دے دیا تھا تو وہ پلاٹ یا مکان آپ کے والد کا ہو گیا۔  اب آپ کے والد کے فوت ہونے کے بعد اس پلاٹ  یا مکان میں آپ لوگوں کا بھی حصہ ہے جس کی تفصیل یہ ہے:

کہ مذکورہ پلاٹ یا مکان کو 96 حصوں میں تقسیم کریں گے، جن میں 12  حصے مرحوم کی بیوی کو، 16 حصے ان کے والد کو، 34 حصے ان کے بیٹے کو اور 17-17 حصے مرحوم کی ہر ایک بیٹی کو ملیں گے۔ جبکہ ان کے بھائی اور بہن کا کچھ حصہ نہیں۔

24×4=96

بیوی                      ——–والد———                   بیٹا        ——            بیٹی                    ——–بیٹی        ———بھائی، بہن

1/ 8         ———–        1/ 6                       ————-عصبہ     ———–                                    محروم

3×4                 4×4                       17×4

12                             16                         68

12                             16               34               17               17