سعی کرنے کے بعد مسجد میں نفل پڑھنا

استفتاء

عمرہ میں سعی کرنے کے بعد  مسجد میں آکر نفل پڑھنا واجب ہے یا نہیں؟

الجواب :بسم اللہ حامداًومصلیاً

صفا مروہ کی سعی کے بعد مسجد میں آکر  دورکعت نفل پڑھناواجب نہیں بلکہ صرف مستحب ہے۔

غنیۃ الناسک (صفحہ نمبر:130 ) میں  ہے:

فصل في مستحباته (أى السعى) و هي النية …. و اداء رکعتين بعد فراغه منه في المسجد.

معلم الحجاج (صفحہ نمبر:185) میں ہے:

مستحبات سعی ۔۔۔۔۔سعی سے فارغ ہونے کے بعد  مسجد میں آکر دو رکعت نفل پڑھنا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم