کیا غسل جنابت سے پہلے وضو کرنا ضروری ہے؟

استفتاء

اگر غسلِ جنابت شروع کرنے سے پہلے وضو نہ کیا جائے اور تین بار غرارہ کرکے اور ناک کے نرم حصے تک پانی چڑھا کر اور ایک بار سارے جسم پر پانی بہا لیا جائے تو کیا غسلِ جنابت درست ہوجائے گا؟ یا غسلِ جنابت سے پہلے وضو کرنا ضروری ہے؟

الجواب :بسم اللہ حامداًومصلیاً

غسل جنابت سے پہلے وضو کرنا سنت ہے فرض یا واجب نہیں لہذا غسل جنابت سے پہلے اگر وضو نہ کیا تو غسل جنابت پھر بھی درست ہے.

تنویر الابصار (1/156) میں ہے:

(وسننه) …….. (البداءة ‌بغسل ‌يديه وفرجه) ……. (وخبث بدنه إن كان) …….. (ثم يتوضأ)

البنایہ شرح الہدایہ (4/138) میں ہے:

فإن المغتسل ‌إذا ‌ترك ‌الوضوء واكتفى بغسله فإنه يجوز، ولكن الأفضل أن يتوضأ أولا ثم يغتسل، فإن في ترك الوضوء نوع قصور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم