کون سے رشتہ دار غیر محرم ہیں؟

استفتاء

1) غیر محرم میں کون کون سے رشتہ دار شامل ہیں؟

2) نند کا بیٹا محرم ہے یا غیر محرم؟

الجواب :بسم اللہ حامداًومصلیاً

1) جس سے زندگی میں کبھی بھی نکاح ہوسکتا ہے وہ غیر محرم ہے ۔

2) نند کا بیٹا غیر محرم ہے ۔

مسائل بہشتی زیور (جلد نمبر 2صفحہ نمبر 453) میں ہے:

“جس سے عمر بھر میں کبھی بھی نکاح صحیح ہونے کا احتمال ہو وہ شرعاً محرم نہیں،  بلکہ نا محرم ہے،  اور جو حکم شریعت میں محض اجنبی اور غیر آدمی کا ہے وہی ان کا ہے، گو کسی قسم کا رشتہ قرابت کا رکھتا  ہو،  جیسے چچا کا،  یا پھوپھی کا  بیٹا، یا ماموں  یا خالہ کا بیٹا  دیور اور بہنوئی یا نندوئی،  وغیرہ سب نامحرم ہیں،  ان سے وہی پرہیز ہے جو نا محرم سے ہوتا ہے۔”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم