"بالاج” یا "بلاج” نام رکھنا کیسا ہے اور اس کے معنی کیا ہیں؟

استفتاء

سوال :بالاج یا بلاج نام رکھنا کیسا ہے اور اس کے معنی کیا ہیں؟

جواب : بلاج فارسی میں کسی پودے کو کہتے ہیں اور "بالا جی "ایران میں کسی گاؤں کا نام  ہے عربی میں ” بلاج "کا معنی سمندر کا کنارہ ہے۔ بالاج  اور بلاج میں سے بلاج نام رکھ سکتے ہیں البتہ اس کے بجائے انبیاء کرام علیہم السلام یاصحابہ کرام رضوان اللہ علیہم اجمعین  کے ناموں میں  سے کوئی نام یاا چھے معنی  والا عربی نام رکھنا زیادہ بہتر ہے فقہاء کرام نے لکھا ہے کہ ایسا نام رکھنا چاہیے جس کا تعامل نیک صالح مسلمانوں میں ہو  ۔فقط واللہ اعلم ۔ماخذ دارالافتاء جامعۃ العلوم اسلامیہ بنوری ٹاون

اس فتوی کی تصدیق کر دیجئے اور یہ بھی بتا دیجئے کہ بالاج اور اور بلاج نام رکھنا کیسا ہےاور  ان کا مطلب کیا ہے اور لکھا کیسے جائے گا کیونکہ یہ لفظ مختلف طریقوں سے لکھا جاتا ہے؟

الجواب :بسم اللہ حامداًومصلیاً

بلاج فارسی زبان کا لفظ ہے اور اس کا معنی ہے بوریا ،بوریا بنانے کی گھاس  یعنی ایرا   ،اور عربی میں بلاج سمندر کے کنارے کو کہتے ہیں ،عربی  اردو ،فارسی لغات میں تلاش کے باوجود بالاج  کا معنی  نہیں مل سکا۔

لغات فارسی (ص125)میں ہے :

بلاج (ف)بوریا ،(2)بوریا بنانے کی گھاس  یعنی ایرا

معجم اللغۃالعربيۃ(1/ 237)میں ہے:بِلاج [مفرد]: شاطئ البحر.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم