الله تعالیٰ تمہاری بات سے بہرا ہو جائے کا حکم

استفتاء

ایک بچی نے دل دکھانے والے کلمات کہے تو دوسری عورت نے کہا اللہ آپ کے یہ کلمات نہ سنے نہ سنے آپ سے بہرا ہو جائے تو اس عورت کا شرعی حکم کیا ہے؟

کیا اس کا ایمان چلا گیا ہے اور تجدید ایمان اور تجدید نکاح کی ضرورت ہے۔

الجواب :بسم اللہ حامداًومصلیاً

مذکورہ کلمات اگرچہ بے احتیاطی کے ہیں مگر یہ کلمات کفر نہیں ہیں، کیونکہ یہ اخبار نہیں ہے اور نہ اللہ تعالیٰ کی ذات پر کوئی خلاف واقع حکم لگانا ہے بلکہ یہ انشاء ہیں یعنی اپنی ایک خواہش کا اظہار ہے نیز ان کلمات کے بولنے سے مقصود یہ ہے کہ اللہ ان غلط باتوں پر تمہارا مواخذہ نہ کرے بلکہ سنی ان سنی کردے اور درگزر کردے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔  ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم